تورکیا بڕیار دەێد دەسمیەتی سوریا بەێد وە چاپکردن پویل نوو

شەفەق نیوز/ عەبدولقادر ئۆغڵو وەزیر گواستنەوە و ژیرخان تورکیا وت: تورکیا شایەت دەسمیەتی دەسەڵات نوو سوریا بەێد لە چاپکردن کاغەز پویل نوویگ.

میدیایل راگەیانن تورکیا لە زوان وەزیر وت: کاغەزیل پویل سوریا لە دەوڵەتەیلیگ ترەک چاپ کریان، و شایەت تورکیا دەسمیەتی سوریا بەێد لەی باوەتە، و کار لەی رویە دەسوەپی کرد وە هەماهەنگی وەرد وەزارەت دەیشت تورکیا و وەڕیەوبەرایەتی هەواڵگری نیشتمانی.

ئۆغڵو پەیمان دا کە تورکیا تەقەلا دەێد دەسمیەتی دەسەڵات سوریا بەێد وەبی دیرکەفتن.

ئیرنگە سوریا کاغەز پویلیگ دیرێد لە رووسیا چاپ کریاس، لەلییان ٢٠٠٠  لێرەی سوری کە وینەی بەشار ئەسەد سەرۆک وەرین هابانی، و لە چەن شاریگ سوریا لێرەی تورکی وەکار تیەرن.