تەندروسی جەهانی رخنەی ئەو دەوڵەتەیلە کەێد ک واز ریکارەیل کۆڕۆنا هاوردنە

شەفەق نیوز/ ریخریاگ تەندروسی جەهانی، ئمڕوو سێشەممە،  راگەیان شمارەیگ لە دەوڵەتەیل ئەوروپا لەلیان ئەڵمانیا و فەرەنسا و ئیتاڵیا و بەریتانیا،  و ناکاوەو ریکارەیل نواگردن پەتای کۆرۆنا هەڵگردن.  

وەڕیەوبەر لق ئەوروپا لە تەندروسی جەهانی هانس کلوگە لە کۆنگرەیگ رووژنامەوانی لە مۆلدوفا وت: لە رەوش پەتای ئیسە لە کشوەرەگە ئاگادارە، و دووپات کرد ک هەر وە گەشبینی مینێد. 

ئی گەشەیکە لەناو هوشداری لەلایەن تەندروسی جەهانی تیەێد لەباوەت رخبەری رەوشەگە، تایبەت وەگەرد ئاشکراکردن نەوەیل نوویگ لە ئۆمیکرۆن.    

ریخریایەگە دووپات کرد ک  هیمان زۊە باس سەرکەفتن لەبان پەتاگە بکریەێد، وتیش: دیرێد چەودیری نەوەیل BA.1 و BA.2 و BA.3 کەێد ک هانە ژیر چەتر ئۆمیکرۆن،  جۊر ئاڵشتبۊ BA.2 ک لە نزیک ٥٠ دەوڵەت لە جەهان ئاشکرا بۊە.