تەقینەوەیل تونیگ لە ئۆکرانیا
شەفەق نیوز/ دەنگ بڕیگ تەقینەوە لە کیێف، ئمڕوو سێشەممە، رەسیە گووش، وەگورەی ئەوەگ دەزگایەیل راگەیانن ئۆکرانیا بڵاویکردنە، هۊیردەکاریەیلی ئاشکەرا نەکریایە.
لەلایگتر، قسەکەر سەرۆکایەتی ئۆکرانیا ئۆلیکسی ئەریستۆفیتس لە دەنگانیگ رووژ دوشەممە، مەزەنە کرد ک مەوقەی کۆتایی هاتن جەنگ رووسیا و ئۆکرانیاس.
ئەریستۆفیتس وت، لە ئۆکرانیا جەنگ لە مانگ ئایار کۆتایی وەپی تێد، مەوقەی رووسیا لەو سەرچەوەیلە واێد ک لە پەلامارداین هاوسایگەی خوازێد.
گفتوگویەیل نوان کیێڤ و مۆسکۆ تا ئیسە ئەنجام کەمیگ وە دەس هاوردیە بیجگە لە وازکردن شمارەیگ لە ڕێڕەوە مرۆییەگان لە دەێشت شارە ئاخڵەدریاگەیل ئۆکرانیا.
جەنگ لە ئۆکرانیا لە 24 شوبات دەسوەپی کرد مەوقەی سەرۆک رووسیا فلادیمیر پوتین دەسکرد وە " ئۆپاسیۆنیگ تایبەت سەربازی" ک گەپترین پەلامارداینە لە ولاتەیل ئەوروپی لە دۊای جەنگ جەهانی دۊیەم.
