تەقینەوەیگ لە بەندەر شەهیدرجائی لە ئیران رویدا
شەفەق نیوز/ وەڕێوەبەرایەتی گشتی ئیدارەی کارەساتەیل هۆرمزگان لەئیران، ئمڕوو شەممە، راگەیان تەقینەوەیگ ناوچەی هۆرمزگان لە باشوور ئیران هاوردیەسە لەرزە.
وەپای خەوەریگ لە سایتە خەوەری نیمە فەرمی ئیرانی "میهر" وەڕێوەبەرایەتیەگە راگەیاندیە، "وەرجە چەن خولەکیگ تەقینەوەی فرە تونیگ لە بەندەر رجائی رویدایە تا ئیسە هووکارەگەی نەزانریایە".
وەپای راپۆرتەیل رووژنامەوانی، تەقینەوەگە لە ئەنجام تەقیان ئەمماریگ سزەمنی بویە لە بەندەر شەهید رجائی و هووکارەگەی نەزانریاس، و تیمەیل دەسوەجی ئەرا ناوچەگە کلریانە".
لەئەنجام تەقینەوەگە، گورجی بەندەرەگە وسیایە تا هێزە ئەمنیەیل و فریارەسین بتوەنن بەجەر بارودۆخەگە بیەن وە زویترین وەخت.
جی باسە، تا ئیسە زانیاری هویردیگ لە شمارەی زەخمدارەیل و کوشیاگەیل تەقەینەوەگە وەردەس نییە، باوجی تەقەینەوەگە فرە قایم بویە و زەرد فرەیگ رەسانییە.
