به‌حره‌ين ئاشكراى تووڕيگ "خراوه‌كار" كرد له‌لايه‌ن 6 ده‌وڵه‌ته‌و ئداره‌ ئه‌كريه‌ێد

شه‌فه‌ق نيوز/ وه‌ڕيه‌وبه‌ر گشتى ئداره‌ى گشتى دژه‌ گه‌نده‌ڵى و ئاسايش ئابوورى وئه‌لكترۆنى له‌ به‌حره‌ين، ئاشكراى وجوود تووڕيگ له‌ ماڵپه‌ڕه‌يل خراوه‌كار ئه‌لكترۆنى ده‌رهه‌ق وه‌ ئاسايش كۆمه‌ڵايه‌تى كرد ك زوورميان له‌لايه‌ن لايه‌نه‌يليگ ده‌ره‌كيه‌و له‌ ئيران و قه‌ته‌ر و عراق و ده‌وڵه‌ته‌يل ئۆرپييه‌و ئداره‌ ئه‌كريه‌ێد.

وه‌ڕيه‌وبه‌ره‌گه‌ وت: ئى تووڕه‌ ئه‌را ماوه‌يگه‌ ده‌سكرده‌سه‌ هه‌وڵ جيوه‌جيكردن پلانيگ ئه‌را خراوكردن سومعه‌ت به‌حره‌ين و ملله‌ته‌گه‌ى و بڵاوكردن ئاگر ئاشووگه‌رى و بشيوى له‌ناونى پيكهاته‌يل كۆمه‌ڵگا.

جى باسه‌، ئه‌و وه‌رپرس به‌حره‌ينيه‌ هه‌ميش وت: جموجويله‌يلمان ئاماژه‌ وه‌ وجوود تووڕيگ له‌ ماڵپه‌ڕه‌يل خراوه‌كار ئه‌را ئاسايش كۆمه‌ڵايه‌تى به‌حره‌ينى و ريه‌يل ئداره‌كردن و شوونه‌يل و ناونيشانه‌يلى و ئه‌و ده‌وڵه‌ته‌يله‌ ئه‌كا ك دايمه‌زراننه‌و ئداره‌ى ئه‌كه‌ن و باس له‌وه‌يش كرد ك هه‌ردوگ داواكرياێ يوسف ئه‌لموحافزه‌ و حسێن ئه‌لسته‌رى ك له‌ دادگا واينه‌و هانه‌ ئه‌ڵمانيا و ئوستراليا ئى تووڕه‌ دامه‌زراننه‌.