برنج بوودە مدوو دەسلەکارکیشان وەزیریگ ژاپۆنی

شەفەق نیوز/ وەزیر کشاوەرزی و دارسان و سامانەیل ماسی ژاپۆن تاکو ئیتۆ، دەسلەکارکیشان خوەی راگەیان دویای ئەوەگ برنج وە دیاری وەرگردیە.

کەناڵ 'NHK'ـی ژاپۆنی لە زوانی  سەرۆک وەزیرەیل ژاپۆن 'شیگێرو ئیشیبا' بڵاویکردیە، کە دەسلەکارکیشان  وەزیرەگە قبوڵ کردیە و وەزیر کشاوەرزیش   راگەیانیە، "لە ناو ژانەیل هاووڵاتیەیل وە مدوو بەرزەوبوین نرخ برنج، ئەوەگ وتم وە تەواوی نەپوڕیاگ بوی لە دڵەو داوای وەخشین  لە گەل ژاپۆن کەم".

 یەیش وە مدوو ئەوە لە چەن رووژ گوزەشتە هەنای تاکو لەنووەین بۆنەیگ فەرمی وت "لە ژیان هەرگیز برنج نەسەنیە، چوینکە جویر دیاری وەریگرێد". لێدوانەگەی فرە لە مەوقەیگ ناسک بوی، وەپای ئەوەگ نرخ برنج فرە بەرزەوبویە  یەیش هیشتیە حکومەت برنج یەدەگ کریاگ بخەێدە بازاڕ ئەرا نواگیری کردن لە بەرزەوبوین زیاتر نرخ برنج.