باوگیگ لە میسر چوار مناڵ خوەی کوشێد و چوود ئەرا نماز شەوەکی

میدیایل وتن: خەوەر رەسیە ئاسایش ئیسماعیلیە، کە ٤ زاڕوو وەدەس باوگیان "سامی.م" لە ناوچەی کیلۆ ١٧ لە شار قونیترە لە پارێزگای ئیسماعیلیە کوشیانە.

هەناێ رەسینە شوین رویداوەگە دەرکەفت کە چوار قوربانی، دوو کوڕ و دوو دویەت، ئیمان ١٢ ساڵان، محمد ٨ ساڵان، خالید ٥ ساڵان، نەدا ٣ ساڵان، دریانەسە سێدارە.

دویای ئەوە باوگەگە دەسگیر کریا، دەرکەفت کە باوەگەگە وەرجە ماوەی کەمیگ لە خەسەخانەی چارەکردن ئالوودەیی دەرچگە، و چوار مناڵەگەی لەلای داپیریان و داڵگیان بویە.

دەرکەفت کە رووژ رویداوەگە باوگە چگە ئەرا ماڵ خەسویرەی، و داوا کردگە مناڵەیل وەگەر خوەی بوەێد ئەرا گەردین، خەسویرەیش رازی بویە، پیاوەگە مناڵەیلی ئەرا ماڵ خوەی بردیە، و هەرچواریان لە قەی پەنجەرەیل ماڵەگە داگەسە سێدارە، و دویای ئەو تاوانە، چگە ئەرا مزگەفت تا نماز شەوەکی بخوەنێد. 

.