باس له ريككه‌فتن روسيا و توركيا ئه‌كريه‌ێد ئه‌را ئاگربه‌س له سوريا
2016-12-28T12:07:00+00:00
شه‌فه‌ق نيوز/ وه‌گووره‌ى هووكاره‌يل ره‌سانن توركى ئه‌وه ده‌ركه‌فت ك توركيا و روسيا ره‌سينه‌سه ريككه‌فتنيگ ئه‌را ئاگربه‌س له‌گشت شوونه‌يل سوورى، ك له نيمه‌ى شه‌و جيه‌سه خانه‌ى جيوه‌جيكردن.
له‌ى باوه‌ته‌و، ئاژانس ئه‌نادۆل توركى، ئه‌وه ده‌رخست ك ئه‌و پلانه پيكهاتگه له فراوانكردن چوارچيوه‌ى ئه‌و ئاگربه‌س وه‌رده‌وامه له حه‌له‌ب تا گشتلايگ بگرێده‌و، وه‌لێ ئى پلان و ريككه‌فتنه گرووپه‌يل ترۆريستى ناگرێده‌و.
جى باسه، ئاژانسه‌گه هه‌ميش وت: له حاڵه‌تيگ ك ئى پلانه سه‌ركه‌فت، بنه‌مايگ ئه‌را دانيشتنه‌يل سياسى دائه‌نريه‌ێد له‌ناونى رژيم و ئۆپۆزسيۆن ك مۆسكۆ و ئه‌نقه‌ره خوازيارن له ئاستانه له كازاخستان ئه‌و دانيشتنه ريكبخه‌ن.
