بارهەڵگریگ سزەمەنی "بالیستی" لەپشت تەقینەوەی بەندەر رجائی ئیرانە
2025-04-27T07:31:11+00:00
شەفەق نیوز/ کۆمپانیای "ئەمبیری" بەریتانی ئەرا ئاسایش دەریایی، ئمڕوو یەکشەممە، ئاشکرایکرد تەقینەوەگەی کە لە بەندەر رجائی لە شار بەندەر عەباس باشوور ئیران رویدایە لە ئەنجام بەد مامەلەکردن وەرد باریگ لە سزەمەنی رەق تایوەت وە مووشەک بالیستی بویە.
وەپای ئامارەیل نوو تەلەفزیۆنەیل فەرمی، وەلای کەم18 کەس کوشیا و 1000 کەسیش زەخمداربویە لە تەقینەوەگەی گەپترین مینای بازرگانی لە ئیران.
تەقینەوەگە هەنای رویدا کە ئیران و ئەمریکا لە خول سێیەم دانوستانەیلیان بوین لەباوەت وە بەرنامەی ئەتۆمی تەهران.
بەندەر شەهید رەجایی کەفێدە شار بەندەر عەباس کە یەکیگە لە ناوچە گرنگە ئابوریەگان ئیران و زیاتر لە یەک لەبان سێی بازرگانی دەریایی وڵات لەناوی کرێد.
