بایدن: رەسین ئۆکرانیا ئەرا ناو رووسیا گیچەڵیگ ئەرا پوتین دروس کرد
2024-08-14T06:43:02+00:00
شەفەق نیوز/ جۆ بایدن سەرۆک ئەمریکا وت: چگن سەربازی ئۆکرانیا وەناو رووسیا گیچەڵیگ راسی ئەرا ڤلادیمێر پوتین سەرۆک ڕووسیا دروس کرد، وتیش؛ وەرپرسەیل وڵاتەگەی هانە پەیوەندی وەردەوام وەرد ئۆکرانیەیل لەباوەت ئی گامە.
نزیکەی هەژار سەرباز ئۆکرانی لە شەوەکی شەش ئاب وە تانک وە قەڵغان چگنە ناو سنوور رووسیا.
وەرپرسیگ ئەمریکی وت: ئامانج ئۆکرانیا وە رەسینی ئەرا ناو کورسک دیارە ناچارکردن رووسیاس ئەرا کیشانەوەی هیزەیلی لە ئۆکرانیا تا وەرگری لە زەویەیل رووسیا بکەێد.
بایدن وتیش: هەر چوار تا پەنج ساعەت لە جموجویل ئۆکرانیا وەماوەی هەفتەی گوزەشتە ئاگادارە.
ئەمریکا وە ملیارا دۆلار چەک دادە ئۆکرانیا ئەرا وەرگریکردن تا ئاست گەورەیگ، کە ئۆکرانیا تەقەلا دەێد نواگیری ئەو پەلامار رووسیا بەێد کە لە شوبات ٢٠٢٢ دەسوەپی کرد.
