بەلەمیگ وە کووچبەرەیل ژیر ئاو کەفت
2025-05-19T14:04:49+00:00
شەفەق نیوز/ پاسەوان کناراوەیل فەرەنسا، ئمڕوو دووشەممە، راگەیانن لە نزیک کناراوەریل شاریگ لە باکوور فەرەنسا بەلەمیگ کووچبەرەیل ژیر ئاو کەفت کە خوازی کەناڵ ئینگلیز بوڕێد و بویە مدوو گیان لەدەسدان کەسیگ.
دیاریکرد، رویداوەگە دویەشەو دیر وەخت رویدایە توەنستنە 62 کووچبەر قورتاربکەن، و لە ئۆپەراسیۆن قورتارکردنەگە پاسەوانەیل کناراوەیل بەریتانیا دەسمیەتیان دانە و وە چەن کەشتیگ کووچبەرەیل قورتارکریانە.
ئاشکرایکرد، کووچبەریگ وە بیهووشی لە ئاو پەیاکریاس و نەتوەنریاس ژیانی قورتاربکرێد، و لەناو قورتارکریاگەیل زاروویگ وەرد داڵگی هەس کە وە مدبەدیتەندروسیان وە فرۆکە ئەرا خەستەخانە کلکریانە و گشت کووچبەرەیل ترەک ئەرا کناراوەیل دەریای شار "بۆڵۆن سور مێر" بریانە.
