بەرزەوبوین قوربانیەیل زەویلەرزەگەی تایوان
2024-04-05 08:52
شەفەق نیوز/ ئاژانس خەوەری ناوەندی لە تایوان، لە زوان ناوەند نواگیریکردن کارەسات وت: شمارەی کوشیاگەیل لە ئەنجام زەویلەرزەی دوایین رەسیە ٢٠ کەس، و ١١٠٦ کەسیش زەخمدار بوین.
ئاژانسەگە وتیش: هیمان ٧٠٥ کەس لەژیر رمیاگەیل گیر هاتنە.
فرەی ئەو کەسەیلە کە گیر هاتنە، هاتە ناوچەی گەشتوگوزاری- ٦٨٨ کەس لە گرووپ هوتێلەیل لە ناوچەی چیانشیانگ لە باخچەی تاروکۆ لەناو کوێە، و ١٠ کەسیش لە تونێل نۆ پیچ.
راپۆرتەیل نشان دەن کە ١٨ کەس وە بیسەروشوین دریانەسە قەڵەم، چواریان بیگانە_ یەک هاوڵاتی هیندی و بەک کەنەدی وەدووان ئوسترالی
رووژ چوارشەممەی گوزەشتە، زەویلەرزەیگ وە تونی ٧.٣ پلە وەرانەور ناوچەی هوالین لە بەش خوەرهەڵات تایوان توومار کریا.
