ئاو و نمەک لە جیای واکسین کۆڕۆنا لە وڵات هیند
شەفەق نیوز/ دەسەڵاتەیل هندستان کەسەیلیگ دەسگیر کردن، پزشک و کادرەیلیگ تەندروسی لەناویان بوی، دەسیان لەناو هەڵمەتیگ بوی ئەرا دابەشکردن واکسین دژوە ڤایڕۆس کۆڕۆنا ک تاقەبەشەیل درووکانی دروس کردنە.
دەسەڵاتەیل وتن: نزیکەی ٢٥٠٠ کەس لە دەورگرد شار مۆمبای کەفنە وەر خەڵەتانن گوایە واکسین دژوە ڤایڕۆس کۆڤید-١٩ وەرگرن، و واکسینەگە ئاو و نمەک بوی.
فیشال ئاکور یەکیگە لە گەورە وەرپرسەیل لە پۆلیس بۆمبای وت: نزیکەی ١٢ هەڵمەت واکسین درووکانی لە دەورگرد بۆمبای جیوەجی کریا، وتیش: ئاو و نمەک وەکار هاوردنە و لەجیای واکسین دانەسەی مەردمەگە.
وتیش: خاوەن ئەو هەڵمەتەیل درووکانیە پویل لە خەڵکەگە وەرگردنە، و نزیکەی ٢٨ هەزارۆلار قانجاز کردنە.
وەرپرسەگە وتیش؛ تا ئیسە ١٤ کەس وە توومەت خەڵەتانن و تەقەلای کوشتن وەگەرد چەن توومەتەیلیگ تر دەسگیر کریانە، و هەمیش کەسەیلیگ تر هەس ئەوەسا دەسگیر کریەن.
