پەیاکردن 120کیلوگرام لەمادەی کۆکائین لە کناراوەیل ئوسترالیا
پۆلیس وت، یەکەم جار 39 پارچە کۆکائین بەسیای وە بڕ یەک کیلوگرام پەیاکریایە، لە رووژ جومعەی گوزەشتە لە نزیک کنارئاو ماجینتا لە باکوور سیدنی.
پۆلیس ولایەتەگە وت، لەومەوقەو تا ئیسە نزیکەی 85 پاکەت زیایە وەهەمان بڕ لە دویری 80کیلومەتر لە کناراوەیل ولایەن نیوساوس وێڵز پەیاکریایە.
سەرۆک وشکنەڕەیل پۆلیس جیسۆن وێنشتاین لە بەیانیگ وت، پۆلیس داوا لە مەردم کردیە لەمەوقەی هەر پاکەتیگ گوماناوی خەوەرداریان بکەن.
وتیش، "پەیجویرەیل و پۆلیس پسپۆر ئیرنگە کناراوەیل پاکەوکەن و مینەی ئەو پاکەتەیلەکەن گیرکردنەهەمیش کارکەن ئەرا پەیاکردن ئەو کەسەیلە وەرپرسن و لێپرسینەوە وەردیان کرێد".