ئاگر لە بەندەریگ ئیران
شەفەق نیوز/ ئاگر گەپیگ کەفتەو وەگەرد ژنەفتن دەنگ تەقینەوەیگ لە ناوچەی ئابووری پترۆکیمیایی لە بەندەر " ماهشهر" باشوور خوەرئاوای ئیران لە میانەی خەوەر لەباوەت پەلامارداین وە فرۆکەی بیفرۆکەوان.
وەگورەی ئاژانس خەوەر ئیرانی "مهر"، قسەکەر رێکخریاگ فریاگوزاری لە ناوچەی ماهشەهر محسن ئەدیبی، وت؛ ئاگر کەفتیە لە ناوچەی ئابووری پترۆکیمیایی لە بەندەر ماهشەهر وەرجە ئەوەگ کپەو بکریەێد" .
ئەدیبی دووپاتکرد، هۊچ تۊشهاتنیگ لە ئاگرەگە نەکەفتیە، وتیش" هۊردەکاری مدووی ئاگرکەفتنەگە لەکاتیگتر راگەینن".
ماڵپەر "ئاڤا تودەی" ئیرانی خەوەردا ک " زانیاری رەسیە وەپیان تەقینەوەیگ رۊدایە لە ناوچەی ماهشەهر تایبەت وە پترۆکیمیایی، لە ئەنجام پەلامارداینیگ وە فرۆکەی بی فرۆکەوانی".
ماڵپەرەگە وتیش،" دۊای ئەوە هێزەیل مقەیەتیکردن ئیرانی هاتنە ئەرا ناوچەی کۆمپانیای پترۆل سەر وە پاراستن لە ناوچەی ماهشەهر تایبەت بە پترۆکیمیایی کۆنترۆل رۊداوەگە کردنە".
