ڤایرۆس رخبەریگ دەێد لە ئەوروپا و هەڕەشەی ٣٧ دەوڵەت دەێد
2022-12-21T10:59:55+00:00
شەفەق نیوز/ دەسەڵاتەیل تەندروسی ئەوروپا، دووپات کردن ک کشوەرەگە یە زیاتر لە یەک ساڵە کەفتیەسە وەر شەپوول ئەنفلاوەنزای باڵندە ک فرەترین ویرانکەرە لە مێژووی، ک ناچار لەناوداین نزیکەی ٥٠ مەلیۆن باڵندەی ماڵی کرد، وەگورەی خەوەر ئاژانس خەوەری فەرەنسا.
٣٧ دەوڵەت ئەورووپا، لە تەشرین یەکەم ٢٠٢١ تا ئەیلوول ٢٠٢٢، کەفتنە وەر ئەنفلەوەنزای باڵندە، و نزیکەی ٢٥٠٠ شوین بڵاوبوینی لە کێلگەیل کشوەرەگە ئاشکرا کریا، وەگورەی راپۆرت دەسەی ئەوروپی ئەرا بیوەیی خوەراک و ناوەند ئەوروپی ئەرا مقیەتیکردن لە بیماریەیل، و تاقیگەی یەکێتی ئەوروپا.
دەسەی ئەوروپی ئەرا بیوەیی خوەراک وت: ئامارگە لەناوداین مامر و قاز و عەلەشیش نیەگرێدەو، ک وەگەرد بڵاوبوین ڤایرۆسەگە جیوەجی کریا، بەڵکم لەوە زیاترە، و یە یەکەم جارە هوچانیگ ناوبەین دوو شەپوول پەتا لە ئەنفلەوەنزای باڵندە نەوود، ک هەمیشە لە تاوسان کۆنتڕۆڵ ڤایرۆسەگە کریەێد.
