ئيتاڵيا پيشوازى و دابه‌شكردن په‌نابه‌ره‌يل وه ته‌نيا ره‌ته‌و ئه‌كا
شه‌فه‌ق نيوز/ باولو جينتيلونى سه‌رۆك وه‌زيره‌يل ئيتاڵى ئاشكراێ ئه‌وه كرد ك وڵاته‌گه‌ێ قه‌بول ناكا وه ته‌نيا كار له بوار پيشوازيكردن و دابه‌شكردن په‌نابه‌ره‌يل بكا بيجگه ئه‌و هه‌وڵه‌يل ناوده‌وڵه‌تيه ئه‌را قورتاركردنيان له ده‌رياێ چه‌رمگ ناوين.
جينتيلونى له باسيگ وه‌ل رووژنامه‌نويسه‌يل له چوارچيوه‌ێ چالاكيه‌يل سه‌ران مه‌جموعه‌ێ بيس له هامبۆرگ وت: ناتويه‌نم فكره‌ێ وجوود كاره‌يل ناوده‌وڵه‌تى له بوار قورتاركردن كووچكه‌ر و كاره‌يل نيشتمانى قه‌بول بكه‌م ئه‌را پيشوازيكردن و دابه‌شكردنيان.
جى باسه، سه‌رۆك وه‌زيره‌يل ئيتاڵى يه‌يش جه‌رخست ك وڵاته‌گه‌ێ له‌ى ماوه‌ێ دوياخره كاره‌يل گه‌ورا كردگه ئه‌را ئه‌وه‌گ په‌نابه‌ره‌يل بتويه‌نن ده‌سميه‌ت وه‌ربگرن له ده‌ريا له‌بان ئاست ناوده‌وڵه‌تى، وه‌لێ وه ته‌نيا كار ناكا له بوار پيشوازى و دابه‌شكردنيان.
