ئوستراليا ئاشكراى ده‌رچگن دبلۆماتكاره‌يل رووس كرد له واده‌ى دياريكرياێ
شه‌فه‌ق نيوز/ جولى بيشوب وه‌زير خارجيه‌ى ئوسترالى، جه‌خت له‌وه كرد ك دبلۆماتكاره‌يل رووس له وڵاته‌گه‌ێ ده‌رچنه.
له‌ى باوه‌ته‌و، كه‌ناڵ ته‌له‌فزيۆن "ئێس بى ئێس" باس كرد و وت: ئه‌و كارمه‌نده‌يل باڵوێزخانه‌ى روسيه له ئوستراليا ك موڵه‌ت هه‌فت رووژ وه‌پيان دريا ئه‌را ده‌رچگن له وڵاته‌گه، كاره‌يليان ريكخستن وه‌و ماوه‌ى دياريكرياگه‌و وڵاته‌گه هيشتنه جى.
جى باسه، نوێنه‌ر باڵوێزخانه‌ى روسى هه‌ر توانج و قسه‌يگ ئه‌را كه‌ناڵ ناوبرياێ له‌باره‌ى ئى مه‌سه‌له ره‌ته‌و كرد، يه‌يش له وه‌ختيگ ك ئوستراليا بڕيار ده‌ركردن دو دبلۆماتكار رووس دا له‌ئاكام ئه‌و روێداگه ك كه‌فته‌و له سالزبورى بريتانى ك له‌تى سيرغى سكريبال سيخوڕ بريتانى و دويه‌ته‌گه‌ى ژه‌هراوى كريان و ده‌رئه‌نجام ئه‌وه‌يش ده‌وڵه‌ته‌يل ئۆرپى بڕيار ده‌ركردن زياتر له 100 دبلۆماتكار رووس دان.
