ئه‌نده‌نوسيا سه‌رله‌نوو ئه‌ندامێتى خوه‌ى له ئۆپيك وسان
2016-12-01T12:24:00+00:00
شه‌فه‌ق نيوز/ ئه‌نده‌نوسيا جاريگتر ئه‌ندامێتى خوه‌ى له ريكخرياگ وڵاته‌يل هه‌نارده‌كه‌ر پترۆل(ئۆپيك)وسان، يه‌يش دوياى كه‌متر له ساڵێگ وه‌ئه‌ندامبوين له‌و ريكخرياگه.
له‌ى باوه‌ته‌و، ئى بڕيار وسانن ئه‌ندامێتى ئه‌نده‌نوسيا دوياى ئه‌و ريككه‌فتنه هات ك ريكخرياگه‌گه ئه‌نجاميدا له‌بان داوزانن به‌رهه‌مه نه‌فتيه‌گه‌ى وه‌خاتر چاره‌سه‌ر نمايش نه‌فتى و پشتگيرى له نرخه‌يل.
جى باسه، ئه‌نده‌نوسيا ك هاورده‌كار نه‌فت پاكه، باس له‌وه كرد ك تواناى ره‌زامه‌نى نه‌يرێد له‌بان داوه‌زانن به‌رهه‌م له‌لايه‌ن ريكخرياگ ناوبرياگه، ك يه‌يش شكه‌ستيگه ئه‌را ته‌نيا ئه‌نداميگ له ئۆپيك له خوه‌رهه‌ڵات ئاسيا.
