ئه‌ردۆغان ده‌سله‌كاركيشانه‌وه‌ى وه‌زير ناوخوه‌يى ره‌ته‌و كرد
شه‌فه‌ق نيوز/ ره‌جه‌ب ته‌يب ئه‌ردۆغان سه‌رۆك توركيا، په‌سه‌نكردن ده‌سله‌كاركيشانه‌وه‌ى سلێمان سوێلۆ وه‌زير ناوخوه‌يى له حكومه‌ته‌گه‌ى ره‌ته‌و كرد، ك دوياى ره‌خنه‌گرتن فريه‌يگ له باره‌ى شكه‌ستهاوردن له جيوه‌جيكردن رێ وشوونه‌يل ريگرى له په‌تاى كۆرۆناى تازه ئه‌نجام گرت.
سۆيلۆ له به‌ياننامه‌يگ وت: جيوه‌جيكردن بڕيار قه‌يه‌غه‌ى هاتوچوو ك له‌ماوه‌ى قۆناغ فريه هسياريگ هات له‌وه‌ر ريگرى له بڵاوبوينه‌وه‌ى ڤايرۆس كۆرۆنا، وه‌رگه‌ى وه‌رپرسيارێتى گشت ده‌رئه‌نجامه‌يلى ئه‌گرم ك هه‌رچه‌نى له‌سه‌ره‌تاوه هه‌ماهه‌نگى نه‌ويه وه‌شيوه‌ى ته‌واويگ.
جى باسه، وه‌زير ناوخوه‌يى توركى هه‌ميش وت: بايه‌س بوێ له‌بانم رێ وه بڕيگ رويداگه‌يل نه‌ياتام ك له نيه‌ت پاك خوه‌م بوى ئه‌را وسانن بڵاوبوينه‌وه‌ى ڤايرۆسه‌گه و داواى لێبوردنيش له ملله‌ت ئه‌زيزمان ئه‌كه‌م ك هويچ وه‌ختيگ هوير له‌وه ناكه‌م زه‌ره‌د وه‌پيان بڕه‌سنم و ئيسه‌يش له‌وه‌ر ئه‌وه ده‌س له پۆسته‌گه‌م هه‌ڵگرم جوور وه‌زير ناوخوه‌يى.
