وەۊ وەهار

 ئیمساڵ چۊ هەردەجاران

زەنگ وەهار زڕنم و چمە پیری گوڵەگان.

چارەی سیاتیی شەو، ئاخڵەی ئاگرە

باوەڕم کڵپە لە خوڵەکەوان سەنێ و

کزەی خوەشییم چۊ  دۊکەڵ

 لە قوڵتیسەی کۊەگان هەڵسێ.

تەک دەمە پەرچین باخێگەو

ک جڵەودار نەورووزە،

سەرمەست لە هەڵهەڵەی سۊر.

ساز وای وەهار و

گرمەی دێوڵ هەورە

بەزمەیل هەڵپەڕکی گرن.

گوڵێک گوڵوەنی خەیدە گەر مچێ و

شاواز کیشی و خوڕید لە بوڵبوڵ:

وەۊ وەهار هاتێیە، 

(جڵەوشاهی) بژەن!

سارۆ خوسرەوی