چەنێ شه‌وانه تا سوو نه‌خه‌فتم!

چەنێ شه‌وانه تا سوو نه‌خه‌فتم!

قامه‌تم سزیا، وه‌لێ نه‌که‌فتم

داێه‌م م نیشم خه‌مین و شەکەت

وێنه‌ێ که‌مووته‌ر باڵم بییە پەت

نیه‌زانم دڵم، دڵ وه‌کی به‌سته

چۊ ئه‌تم گه‌ردێ له ده‌ور هه‌سته

فه‌ڵه‌ک یه‌ێ ده‌مێ فه‌ڵه‌ک یه‌ێ ده‌مێ

بیلا شاد بۊمن ئاخر یه‌ێ که‌مێ

بیلا بنیشیم فارغ یه‌ێ ده‌مێ

لای ده‌سه‌ گوڵێ ، په‌روانه‌ێ ، شه‌مێ

ئه‌ر مەڵهه‌م نه‌یری، یه‌ێ مشتێ سه‌مێ

ئیمه که‌ێ کردیم زڵمێ، سته‌مێ؟

ئراێ چوه  شادی له لێمان ڕه‌مێ

له ئاو حه‌قیقه‌ت به‌ پیمان که‌مێ

هه‌ر چه‌ن له غوربه‌ت نه‌مه‌نیه هووشم

بیلا ده‌رد دڵ ته‌مامه‌ن بۊشم

دڵ ده‌رده‌دار و نه‌ێرم ته‌بیبێ

زنده‌گیم که‌فتێیه وه سه‌را شیبی

سه‌ی ئه‌حمه‌د به‌سه ، مه‌رد نائمێد

له‌ زڵمه‌ت ئاباد خوه‌ره‌تاو  ده‌مێد

تواێ برەسێ وە قولەێ بەرحزێ

دڵد لە زڕەێ زەنجیر نەلەرزێ

سەید ئەحمد    ڕەحمانی گوڵینی