دوو پارچە شیعر
چەنێ شه‌وانه تا سوو نه‌خه‌فتم!
قامه‌تم سزیا، وه‌لێ نه‌که‌فتم
دایه‌م م نیشم خه‌مین و شەکەت
وێنه‌ێ که‌مووته‌ر باڵم بییە پەت
نیه‌زانم دڵم، دڵ وه‌کی به‌سته
چۊ ئه‌تم گه‌ردێ له ده‌ور هه‌سته
فه‌ڵه‌ک یه‌ێ ده‌مێ فه‌ڵه‌ک یه‌ێ ده‌مێ
بیلا شاد بۊمن ئاخر یه‌ێ که‌مێ
بیلا بنیشیم فارغ یه‌ێ ده‌مێ
لای ده‌سه گوڵێ ، په‌روانه‌ی ، شه‌مێ
ئه‌ر مەڵهه‌م نه‌یری، یه‌ی مشتێ سه‌مێ
ئیمه که‌ێ کردیم زڵمێ، سته‌مێ؟
ئراێ چوه شادی له لێمان ڕه‌مێ
له ئاو حه‌قیقه‌ت به پیمان که‌مێ
هه‌ر چه‌ن له غوربه‌ت نه‌مه‌نیه هووشم
بیلا ده‌رد دڵ ته‌مامه‌ن بۊشم
دڵ ده‌رده‌دار و نه‌ێرم ته‌بیبێ
زنده‌گیم که‌فتێیه وه سه‌را شیبی
سه‌ی ئه‌حمه‌د به‌سه ، مه‌رد نائمێد
له زڵمه‌ت ئاباد خوه‌ره‌تاو ده‌مێد
تواێ برەسێ وە قولەێ بەرحزێ
دڵد لە زڕەێ زەنجیر نەلەرزێ
سەید ئەحمد ڕەحمانی گوڵینی
کی نجاتم دەێد وە پەریشانی
ئەسەر نەێرێدن تب یوونانی
کی بوودە ستۊن منێ بێستۊن
منم و کاخێ وەرەو ویرانی
کی ئارام بکەێ خێیاڵ پەشێو
وە دەنگ و کزەێ هوورە و گوورانی
حەێران دڵم پەریشان عەقل
جواوم نەێرێ زاناێ ئێرانی
وەی خوار و بان دونیا مەنمە
ئارامم نیەکەێ نەزر و قوروانی
دەمئ وە شەێتان م فەرمان گرم
گڕێ گووش دەم وە ئایەێ قورئانی
نە موسەڵمانی خاس تیەرمە جی
نە هامە قسەێ هووز نەسرانی
چۊ سپاێ تووران فکر پەریشان
تووای بووەێ گیانم ،هەر وە ئەرزانی
روسەمی هاکووو نجاتم بیەید
بچوودە جەنگ سپاێ توورانی؟!
فرە حەیرانم سەخت پەریشانم
گەردم وە شوون نوقتەێ نۊرانی
رەفیق گوڕایگور وەرەو کەفتنم
جۊ قەترەێ ئاو بان شێروانی
شێعری لە کتاو تا میلکان دووس…
سەید یوونس هاشمی
