دوو پارچە شیعر

ئاسمان سیە ها بان ماڵم

خوەر ئاوا بۊە لە بەخت کاڵم

ت بەو  هەردگمان لەێرە بوایمن

پا هەڵگر دونیا ڕا یەک توایمن

من بومەپەڕ ت ئازێ لە باڵم

لە هۊرەو بوەم خوسەیل تاڵم

ئەوین بنیشە لە ناو چەویلم

لێوم بخەنێ چوو ناو خەویلم

واران  تەڕ بکەی کراس واڵم

خوسەیل بچوودن  خاس بوودن فاڵم

خوەشی بنیشێ تەک بەێدە شانم

دی ئاخ نەکیشم  ئاز بەێدە گیانم

هانا

ئەڕا تو لە لێم فەرار کەی هەی دڵ

وە دڵ ناشادم نییەکامی  هەی دڵ

تا کەی لە شووند بەگەردم هەی دڵ

تا کەی لە خوسەد بناڵم هەی دڵ

ئەڕا نییەتاوی وە بەختم هەی دڵ

ت زۊخاو ڕەشنی وەجامم هەی دڵ

بۊدە بایس خەم خوسەم هەی دڵ

تاوەکەی بوومە سەرخەمم هەی دڵ

نەیمە لە ئایەم و پەری  هەی دڵ

لە وێنەی ت ئشوەگەری هەی دڵ

لە دڵ مەگەرخەوەر نەیری هەی دڵ

لە لێم بێ خەیاڵ گوزەری هەی دڵ

بسە دی کەم بییە ئەزاوم هەی دڵ

ڕەحمد باێ وەحاڵ خراوم هەی دڵ

             ئەلی میرسەفەری