چۊ خوەر هڵا گلارەم

چۊ خوەر هڵا گلارەم ، ئەگەر بایدەو دیارم

ژیانم رووشنەو کەێ ، دایم چەو ئنتزارم

لەوای گووچان خەمم دا ، ئێ زەجر دۊری تنە

بەورەو دی پایان بێیە ، وەی دڵگیریێ منە

شەوان ناڵم تا سەحەر ، رووژیلمی شەو ڕەنگە

خوەد وەتیدن هەم تیەمەو،هەر ها گووشم ئی دەنگە

لە ناچاری دڵ بەسیم ، وە هسارەی ڕووژ ئاوا

رووژی یەجار ئاوا بوو،مە مەرگ تیەرم وە چاوا

لەێ مردن هەر ڕووژە، دووزەخی رام سازیە

نەزانسم ئی عشقە، ئڕا تو یەێ بازییە

دووعام یەسە وەختێ بای ،کەمی عمرم مەنۊدن

ترسم وەرجە هاتند ، م خەم گیانم سەنۊدن

باران‌ خوسرەوی

‍