ئڕا کوو چی؟

لەنوو خەم دەێ وە تاڵان باخ° شێئرم

لەشــــــووند ئرمس ئەورێ نەمەنێە

بوارێدن لە ناو ئێــــــــــــڵاخ شێئرم 

ئڕا کوو چی وجاخ° خۆەزێەوەیلم ؟!

پـەری شێوەێ پەریشان° شەوەیلم؟!

خێـــــــــاڵد ها لە کوو ساتێ بنووڕێ؟!

چەنێ خەم ها لە ناو ئەور° چەوەیلم 

ئڕا کوو چی  شیرین° چەو کەژاڵم؟!

پـــەری زاێەێ شەوەیل° کاڵ° کاڵم 

 منم مەجنوونەگەێ وەیلان° لەیلی

لە وێنەێ "بەم" یەسە ویرانە هاڵم

ئــڕا کوو چی تریوەێ سەر سراوان؟!

خەزال° سەرکەش° رۊ تاش° کاوان

تمام° دەروەچەیل° بێ ت° خەمینن

ئڕا کوو چی شیرین° گوڵ لە داوان؟!

جلال کوهی