ئه‌رمه‌نی
ده‌ر وا بکه م سه‌ردمه ! ئمشه‌و گلاراو کردمه
ریو وه تو م هاوردمه ! بیه مه‌کانم ئه‌رمه‌نی !
ده‌ردم تو به‌و ده‌رمان بکه !موشکل ئرام ئاسان بکه !
ئمشه‌و تو م مهمان بکه ! بی خانمانم ئه‌رمه‌نی !
یه‌ی شه‌و تو ته‌ننازی بکه ! عاشق له خوه‌د رازی بکه
گش که‌س ئرام نازی بکه ! بنیش وه شانم ئه‌رمه‌نی !
ده‌ر وا که ئازارم نه‌که! وه غه‌م گرفتارم نه‌که!
پرخیون دل زارم مه‌که ! ئه‌بروو که‌مانم ئه‌رمه‌نی !
ئشله مه‌لوخ ! فریای ره‌سم ! که‌پووخ ده‌خیله چاومه‌سم !
پووری ک م زوان تو چیو خوه‌د نه‌زانم ئه‌رمه‌نی !
دی تاقه‌ت و سه‌ورم چیه خوماری تاوم بردیه
گوپی عه‌رق وه پیم بیه ته‌ر که زوانم ئه‌رمه‌نی !
ئمشه‌و م ئاگر گرتمه وه تو په‌لام هاوردمه
له‌یره نیه‌چم ئه‌ر مردمه برشن بزانم ئه‌رمه‌نی !
کافر ئرا ده‌ر وانیه‌که‌ی !؟ له ئاه م په‌روا نیه‌که‌ی !
چاره‌ی دل شه‌یدا نیه‌که‌ی !؟ نیه‌یوشی جوانم ئه‌رمه‌نی !
« سه رخوه ش» وه مالد هاتیه ! تا مه‌ی نه‌خوه‌ی ولکه‌ر نیه
یه عه‌دلیه یه نه‌زمیه یه‌یشه‌م نشانم ئه‌رمه‌نی !
