وە هان لایەنەیلیگ سیاسی و دەسمیەتی ئەفسەرەیل ئەمنی.. ماده‌یل هووشبەر لە شار ئیمام عەلی بڵاو بوود
شەفەق نیوز/ سەرچەوەیلیگ ئەمنی وناوخۆیی لە پارێزگای نەجەف ک مەزار ئیمام عەلی هاناوی، ئاشکرا کردن ک لایەنەیلیگ سیاسی هانە پشت بڵاوبوین سیمای بازرگانی وە ماده‌یل هووشبەرەیل ، و هووشداری دا ک یه بویەسە مەترسییگ ئەمنی لەبان خەڵک پارێزگاگە.
ئەفسەر ئەمنییگ شاره‌زا لە نواگیری ماده‌یل هووشبەرەیل ئەرا ئاژانس شەفەق نیوز ئووشێد: ک خوەی کەفتە وەر گیچه‌ڵ بەشیگ لە لایەنە سیاسیەکان، تا رەسیە ئەوە ک ئەرا شوونیگ دویرتر لە بنکەی سەرەکی دژ ماده‌یل هووشبەرەیل هەواڵەی کردن.
و دیاری کەێد ک بازرگانی وە ماده‌ی هووشبەر لە نەجەف وەشیوەی گەورایگ گەشەکردیه ک پارێزگاگە وەرجەیە وەیجوورە وەخوەی نەیە، وەتایبەت وەگەرد کەمەوبوین ژمارەی ئەندامەیل پولیس لە بنکەی دژ وە هووشبەرەیل دویای ئەوە ک نیمەیان هەواڵەی شوونەیلیگ تر کریان، وەبی ئه‌وه كه‌س شوونیان بگرێ ئیسە.
ئەفسەرگە دیاری کەێد؛ لە ماوەیل دویایین گواستنەوەی بڕ ماده‌یل هووشبه‌ر له ناونی بازرگانەیل فره بویه و رەسنە کیلۆگڕامەیل، لە جیای ئەو مادەیل هووشبه‌ره ک ئەوسا جیوازیان کردیان ک خوەی تەنیا چەن گرامیگ بوی.
و هەمیش ئووشێد: باوەت ماده هووشبەرەیل لە نەجەف لایەنەیلیگ سیاسی گەورایگ هانە پشتی، ك وەگشت شیوەیلیگ تەنانەت ئەگەر کۆمەڵگاگەیش خراو کردنە ته‌نیا قانجازبكه‌ن.
یەکیگ لە ئەندامەیل ئەنجومەن هەڵوەشیاگ پارێزگای نەجەف پشتگیریی ئه‌و قسهیله کەێد و ئووشێد: باوەت هووشبەرەیل لە پارێزگاگە باوەت سەختیگە و گشتی لەناوی بەشدارن هەر لە ئاستەیل باڵا تا خاوه‌ن بڕیار سیاسییش.
ئەو ئەندامە ک رازی نەوی ناوی ئاشکرا بوود وتیش؛ جموجوول بازرگانی هووشبەرەیل لە نەجەف وەگشت ئازادییگ وەڕیەو چوود، وفرەی ئەوانەگ هانە ناو خاڵە ئەمنیەکان هاوکارن وەگەرد بازرگانەیل هووشبەرەیل و ئاسانکاری ئەرایان کەن. و دووپات کەێد ک پێشێلکردنەیل رخبەر و گەورا هەس لەلایەن ده‌سه‌ڵات ئه‌منی ك هاووڵاتییە بیگوناهەیل خاوەن پویل ، وەتوومەت بازرگانی هووشبەرەیل گرن تا پویل لەلیان بووەن و هەواڵەیان ئەرا دادگا نه‌کەن.
و ئووشێد؛ ئەو کارە چزداینە ئەنجام دەن هەنای ئەندامەیلیگ لە خاڵەیل و لە مەوقەی وەشکنین حەپ هووشبەر خەنە ناو ماشینەیلیان، و فرە لە هاووڵاتییەیل وەی خاتره دادگا سزایان دا ، بەڵکم بەشیگیان توێنستن پویل بیەن و مرەقەز بوون.
وەرپرسە خۆجێییەگە دوینێد ک چارەسەریەگە هالە جیوەجیکردن یاسا لەبان گشت، نەگ لەبان تاکیگ بیجگە تاکیگ تر، و دیاری کرد ک وەزارەت ناوخۆ دووارە گونجانن یاسایل تایبەت وەباوەت هووشبەرەیل خوازێد، و هەمیش چاوخستنه بان باوەت ئەفسەرەکان ک ئەو ئەرکەیلە لە مه‌ركه‌ز پۆلیس هووشبەرەیل پارێزگاگە ئه‌نجام ده‌ن.
سەرچەوەیگ ئەرا ئاژانس شەفەق نیوز باس کرد ک كادر بەش دژە هووشبەرەیل ئەرا زیاتر لە نیمەی كه‌م بییه، و سەرچەوەگە رازی نەوی باس لە هەژمار و ئامار تایبەت وە بازرگانەیل هووشبەرەیل لە پارێزگاگە بکەێد، بەڵکم وت ؛ هەژمارەگە رووژانە وەشیوەی گەورایگ زیایەو بوود.
فازڵ غەروای ئەندام کۆمسیۆن ماف مرۆڤ لە عراق ئەرا ئاژانس شەفەق نیوز ئووشێد: بازرگانی وه ماده‌یل هووشبەر تەنیا لە نەجەف نییە، باوجی گشتی دەسی هاناو ئی باوەت رخبەرە، و کۆمسیۆنەگە هەژمارەیل گەورەیگ نشانە کرد. وتیش؛ ساڵ ٢٠٢٠ ساڵ جیوازیگ لە مەترسی بازرگانی هووشبەرەیل لە وڵاتەگە بوی، ک پارێزگایل بەسرە، زیقار، میسان، و بەغداد، کەفتنە نوای ئەو پارێزگایل لە بازرگانی ماده هوەشبەرەیل.
غەراوی ئەرا ئاژانس شەفەق نیوز دووپات کرد ک فرەی هووشبەرەیل لە پارێزگاکان، خوەیان؛ کریستال و کبتاگۆن (سفر یەک) بوین، و ئاماژە کرد ک هووکارەیل وەکارهاوردن ئی مادەی رخبەرە فرەیان پەیوەندی وە رەوش دەروینی و کۆمەڵایەتی و ئابووری دیرن، و خوەی ته‌نیا ناوچەیل پیرووز جوور نەجەف و کەربەلا نێکەێدە ئامانج، باوجی گشت وڵاتەگە كه‌یده ئامانج.
ودیاری کرد ک مادەی کریستال لە پارێزگایل بەسرە و بەغداد بڵاو بوود، و کبتاگۆن لە خوەرائاوا و باکوور عراق، و بەرزترین رێژەی وەکارهاوردن لە تەمەنەیل ١٨ تا ٣٥ ساڵان تۆمار کریا، ک فرەی وەکارهاورەیل خاوەن بڕوانامەی بنەڕەتیین.
غەراوی دیاری کرد ک عراق لە بازاڕ ترانزیت و رەدبوین هووشبەرەیل بویە بازاڕ گەرمیگ ئەرای، و ئەیە نشانەی فرە رخبەریگە، و وسانن راسییگ لە گشت لایەنەیل خوازێد، و وڵاتەگە ده‌ركردن یاسا یا جیوەجیکردنیان لەی باوەتە خوازێد، و بایەدە خەسەخانەیل ئەرا چاره‌سه‌ر تویشهاتگه‌یل وه ماده هووشبەرەکان دروس بکریەێد.
