پەیمانگەیگ ئەمریکی گومان لە وەردەوامبوین دەوڵەت عراق کەێد

 پەیمانگەگە لە راپۆرتیگ ئاژانس شەفەق نیوز ئەڵگەردانی کرد، باس کتاویگ کرد وەناونشان "دەوڵەت و مەردم لەناو عراق: هاوڵاتیەتی لەسای داگیرگاری و دیکتاتۆری و ئاڵشتبوین ئەرا دیموکراتی"، ئەرا نوبسورەیل ساموئێل هلیفۆنت و 

 صموئيل و بنجامین ئیسخان و شامریان مامە و فادی داود.

راپۆرتەگە وت: هاتن ریخریاگ داعش لە ساڵەیل 2014 و2015، وەرەو نوا، بڕیگ پرسیار هاوردەو لەباوەت سروشت دەوڵەت عراقی، و توانایی لە زەردەوامی.

وتیش: لە وەخت لەشگەرکیشی ئەمریکی ئەرا عراق لە ساڵ 2003، 

 گرنگیدان ئەکادیمیایی گەورەیگ لەبان دروسبوین وەرجەوەختەی دەوڵەت عراق بوی و کاریگەری سیاسەتەیل داگیرکاری و ئەوەگ لە شوینی هاتیە لەبان گەشەکردنی.

راپۆرتەگە وتیش: کتاو "دەوڵەت و مەردم لە عراق"، هویر لە عراق خەێدە مل پەیوەندییەیل ناوەین دوو وت و مەردم و هەڵسەنگاندن ئەرا ئاست ئاڵشتبوین یەکلاوەکەر کەێد لە میژوو وڵاتەگە لەبان هەڵسوبنیش لەشوینیەک و هاوچەرخی.

وتیش: پسپۆڕەیل گەورە بڕیگ نووڕین پیشکەش کەن، ئەرا دووپاتکردن لە سروشت پەیوەندییەیل ناوەین دەوێەن و مەردم، لە وەخت حکومڕانی داگیرکاری بەریتانیا تا رەسێدە دویای رمیان رژیم بەعس.

راپۆرتەگە هوشداری کرد کە کتاوەگە شیەوکردن میژووی پیشکەش کەێد کە سروشت سەردەم رژیم کۆماری کە لە پشت شووڕش سەربازی ساڵ 1958، تیەێد ئیجا سەردەم زوورەملی، و سەردەم ئایدۆلۆژیای بەعسی، وەتایبەت لەژیر دەسەڵات سەدام حسێن، ئیجا هەڵمەتەیل بیناکردن ئی دەوڵەتەگە، کە گەشەپیدان بزووتنەوەی کۆمەڵایەتی و دیموکراسی گردەو.

وتیش: کتاوەگە هەمیش فۆکس خەێدە بان ئەو رەفتارە ئاڵووزەیلە کە عراقیەیل لە جویراجویر بنچینەیل وەکاری هاوردن، ئەرا شکانن باوەڕ فەرمی، و وەرخودان لەدویای دەسوەردان ئەمریکا، تا کار دیموکراتی سەرەوخوارەو بوی.

راپۆرتەگە لە کۆتایی وت: کتاوەگە هەمیشە باس بەشیگ لە گرنگترین گیچەڵەیل لەڕوی عراق کرد جویر دەوڵەتیگ دویای داگیرکاری، و تەمەی چوینیایەتی وەپشتسەرنان سەختیەیل لەڕوی پەیوەندییەیل ناوەین دەوڵەت و مەردم لە عراق کەێد.

نویسەر ئەمریکی ساموئێل هلیفۆنت چەن کتاویگ ترەک لەباوت عراق دیرێد جویر "عراق وەدژ جەهان: سەدام و ئەمریکا و رژیم دویای جەنگ سەرد" (2023)، و"زوورەملی لە ئاین: سەدام حسێن و ئیسلام و ریشەیل یاخیبوین لە عراق" (2018).