نەینەوا.. کوشیان کەسیگ و زەخمداربوین 3 کەس ترەک لە شەڕەچەقویگ و پۆلیس 7 کەس دەسگیر کەێد
شەفەق نیوز- نەینەوا
سەرچەوەیگ ئەمنی لە پارێزگای نەینەوا، ئمڕوو شەممە، خەوەردا لە کوشیان کەسیگ و زەخمداربوین سێ کەس ترەک لە ئەنجام شەڕەچەقویگ لە بازاڕیگ ئاژەڵ فروشی و لە بان ڕێ (موسڵ – تەلەعفەر).
سەرچەوەگە ئەرا ئاژانس شەفەق نیوز وت: "وەردەوەردەیگ لەناو بازاڕ ئاژەڵەیل دروس بوی و ئەوزەڵکرد تا رەسیە ئەرا ری (موسڵ - تەلەعفەر)، کە وەکارهاوردن چەک تەقەمەنی وەخوەی دی، و بویە مدوو کوشیان کەسیگ و زەخمداربوین سێ کەس ترەک وە زەخمداری جۊراوجۊر".
وتیش "مەفرەزەیل بەش پۆلیس محەلەبییە و بنکەی پۆلیس ئەسکی موسڵ، و وە دەسمیەتی وەگەرد هۆبەی هەواڵگری و دژەتیرۆر موحەلەبییە، ئۆپراسیۆنیگ ئەمنی دەسوەجی جیوەجی کردن کە بویە ئەنجام دەسگیرکردن هەفت توومەتبار لە لایەنەیل شەڕەگە".
سەرچەوەگە دیاری کرد "هێزە ئەمنییەگە هەمیش توەنست دەس بنەێدە بان دوو تفەنگ جۊر کلاشینکۆف و دەوانچەیگ جۊر کۆڵۆمبی لای تۆمەتبارەیل، و گشتیان دەسگیرکریان ئەرا وەرگردن رێکارە یاساییە هەوەجەکریاگ وەرانوەریان".