شێرپه‌نجه عیراقیه‌یل خوه‌ید
شێرپه‌نجه( سه‌ره‌تان) مه‌مگ چاره‌سه‌ر بكه‌ید، ك تویش فره له ژنه‌یل هاتیه.
وه‌رجله چه‌ن ڕووژیگیش هونه‌رمه‌ند كوه‌یتى ناودار غانم الصالح له ئاكام تویشهاتنى وه‌ى بیمارى پیسه، له له‌نده‌ن مرد، له‌ى ماوه‌یشه خودنیشانداینه‌یل یا ته‌زاهوراته‌یل مه‌زنیگ له چوارقوڕنه‌ى جه‌هان به‌رپابوى ئه‌را یه‌كخستن و گرده‌وكرد گشت هه‌وڵ و ته‌قه‌لاگان جه‌هان ئه‌را وسانن خشه‌كردن ئى بیماریه ك هه‌ڕه‌شه ده‌یده مه‌مگ ژنه‌یل، و وه‌ى جووره وه‌پیمان هات هه‌ر وه‌ختى گورانى بچڕیمن و شعر وه باڵاى سینه و مه‌مك ژنه‌یل چه‌رمى و ئه‌سمه‌ر بویشیمن، شێرپه‌نجه بایده خه‌یاڵمانا.
دو ڕووژنامه‌نویس عیراقى هیمان خه‌ریك تیماركردن خوه‌یانن له‌ى دڕنده‌ى بكوشه، یه‌كیگیان یه چه‌ن ساڵیگه وه‌رگرى كه‌ید و تا ئى وه‌ختیشه سه‌ر ئه‌راى نه‌چه‌مانیه و كار خوه‌ى كه‌ید و ده‌رمانه‌یل تفت و تاڵ و سه‌خت خوه‌ید.
ڕووژنامه‌نویسیگ له كه‌ناڵیگ ئاسمانى عیراقى كار كردیاد ئه‌مر خودا كرد بى ئه‌وه‌گ بتویه‌نى ئه‌و ده‌رمانه وه‌ربگرى ك هیلیده‌ى بتویه‌نید وه‌رگرى له‌ى بیماریه بكه‌ید یا مردنى دویا بخه‌ید.
ژنه‌فیمن ك فره‌كه‌س له جه‌هان وه‌ى بیماریه مردنه، زوورمیش تویش ئه‌و ژنه‌یله تیه‌ید ك دویاكه‌فن له تاقیه‌وكردن پزیشكى یا چاره‌سه‌ریگ ئاست به‌رز، یه‌كیگ له ڕووژنامه‌نویسه‌یل ئه‌رام باس كرد ك ژنه جوانه‌گه‌ى ك فه‌رمانبه‌ریگ بوى له یه‌كیگ له وه‌زاره‌ته‌گان، دویاى تویش بوینى وه شێرپه‌نجه‌ى مه‌مگ ئه‌مر خودا كرد، له شوون ئه‌وه‌گ ئه‌را ماوه‌ى ساڵ و نیمیگ چاره‌سه‌ر خوه‌ى كردیاد، و له ئاخریشه‌و ئه‌رایان ئاشكرا بوى ك ڕه‌سیه‌سه سویه‌گانى و ده‌سكردیه‌سه خواردن گشت به‌ده‌نى، و ئنجا مردن یه‌واش یه‌واشیگ، ك نه‌تویه‌نست له‌لى قورتار بوود یا دویریه‌و بخه‌ید، و تاكه چشتیگ ك تویه‌نستن ئه‌راى ئه‌نجامى بیه‌ن ئه‌وه بوى ك هه‌ردوگ مناڵه‌گه‌ى ئه‌راى هاوردن ك له هاكوو هاتوین ئه‌را سه‌رداینى له ڕووژیگ ك سه‌رداین بیماره‌یل قه‌یه‌غه بوى، وه‌لى ئه‌و ژنه تا چه‌وى كه‌فته پیان ئه‌مر خودا كرد.
له شاره‌یلیگ جوور به‌سره و نه‌جه‌ف و ئه‌نبار و ته‌نانه‌ت به‌غداى پایته‌ختیش، ڕاپۆرته‌گان ئاماژه وه‌وه ده‌ن ك ئى بیماریه له ناو چینیگ كوومه‌ڵایه‌تى دیاریكریاى دیاردایه ك نیه‌تویه‌نن چاره‌سه‌ره‌گه‌ى دابین بكه‌ن، و شایه‌ت باسكردن ته‌رخان كردن بڕیگ له داهات نه‌فت له بڕیگ له پارێزگاگان ئه‌را چاره‌سه‌ر ئى بیماریه، ئه‌وه ئه‌رامان ئاشكرا كه‌ید ك ئى بیماریه چه‌نى وه سه‌ختى په‌لامار عیراقیه‌یل دایه؟.
له به‌غدا ئه‌وه ئاشكراكریا ك له چه‌ن مه‌دره‌سه‌یگ ئى بیماریه دیاردایه و چه‌ن هاووڵاتییگیش وه‌پى مردنه، له فه‌للوجه‌یش ك جه‌نگه‌یل سه‌ختیگ وه‌خوه‌یه‌و دى له ناوبه‌ین ئه‌مریكیه‌یل و ڕیكخریاى قاعده، هاووڵاتیه‌یل بى گوناه باج گه‌ورایگى دان، ك ته‌نیا شێرپه‌نجه نه‌وى، و دیمه‌ن ئه‌و مناڵه‌یل بیماره بویه چشت ئاساییگ له بان شاشه‌ى ته‌له‌فزیۆنه‌گان... هویچ ڕاپۆرته‌یل ئاشكرایگ نیه له باوه‌ت ئى بیماریه و په‌رش و بڵاوه‌و بوینى، وه‌لى من وه‌ل ئه‌و ڕایه نیم ك ئى تویش هاتنه له ئاكام گه‌ن وه‌كارهاوردن چه‌ك قه‌یه‌غه‌كریاى په‌یا بویه ، هه‌رچه‌نى ك ئى قسه به‌شیگ له ڕاسى هاتى، وه‌لى ئه‌وه‌گ گومان له‌تى نیه، ئه‌وه‌سه ك ئى بیمارى پیسه له ئاكام ئه‌و گوێڕاناكریه‌یل شیتانه له مه‌یدانه‌یل ئابوورى و سیاسى، به‌رپا بویه له وه‌ڕیه‌وبردن به‌رهه‌مه‌گان و بیناكردن كارخانه‌یل مه‌زن و پیسبوین ژینگه وه ژه‌هره‌یل جووراوجوور.
بایه‌ته سیاسه‌ت جه‌هانى ئاشكرایگ له ڕوى ئى بیماریه ئه‌نجام بدریه‌ید ئه‌را ڕوى وه‌ڕوى بوین ئى بیماریه ك جه‌هان خوه‌ید و شایه‌د له‌ى ساڵه‌یل ئاینده عیراقیه‌یلیش بخوه‌ید، و ئه‌گه‌ریش نه‌تویه‌نست گشت لاشه‌گان بخوه‌ید ئه‌وه خوو لاشه‌ى بیماره‌گه و دارایى كه‌سوكاره‌گه‌ى خوه‌ید.
