کێڤن ته‌قلا ئه‌را مه‌ێتدان هيوستن كرديه
ئه‌ى ئه‌كته‌ر ئه‌مريكاييه(كێڤن كۆستنه‌ر) له ديدارێ وه‌ل‘‘سى ئن ئن‘‘ باس له بان په‌يوه‌ندى خوه‌ى و گورانيچڕ ناودار كوچكردێ(ويتنى هيوستن) ئه‌كا.
كێڤن ئێژێ: فره كه‌س له‌ليم پرسن، ئه‌گه‌ر دووسێگم تويش گێچه‌ڵێ هات، من تا چه‌نێ هاوكارێ ئه‌كه‌م؟ به‌ڵێ، م له ئه‌وكه‌سه‌يله‌مه ك خه‌م دووسه‌يلم خوه‌م.
ئه‌ى ئه‌كته‌ره هه‌رئيچنه‌يش ئويشێ: ئه‌وسا هناى ويتنى زينگ بوى، چه‌ن نامه ئه‌راى كل كرديه، وه‌لى ئه‌وى جواويان نياسه‌و. وه راسى نيه‌زانم ئه‌و نامه‌يل هه خوه‌نسيه‌سان يا نه!.
كێڤن كۆستنه‌رو ويتنى هيوستن ساڵ 1992زايينى، له فيلم(The Bodyguard) وه‌ل يه‌كا رۆڵ بازى كردن. له ناو ئه‌ى فيلمه، كێڤن رۆڵ پاسه‌وان هيوستن بازى كرد. ئه‌ى فيلمه ده‌نگ فره‌ى له جه‌هان داگه‌و.
ويتنى هيوستن له 11 فوريه ئمساڵ له جووخ 48 ساڵى له هۆتێل‘‘بێڤه‌ر هيڵز‘‘ وه مردگى دوينايه‌و، فره كه‌س مردنێ ئه‌ڵه‌وگه‌ردنن وه‌پيه‌و‌پليان ماده‌ى هوشبه‌ر./ش
