چۆپی فه‌تاح شكات ئه‌كا
له لێدوانيگی چۆپی فه‌تاح ئه‌ڕا ماڵپه‌ڕ هونه‌ری رێكه‌وت نێت وتگه: دويای ئه‌وه‌گ له هه‌فته‌ی گوزه‌يشته بڵاويه‌و كردم ك من هه‌رگز نيه‌يلم ئيجووره كه‌ناڵێگ ڤیدیۆ كلیپه‌گانم په‌خش بكا، چه‌نه‌ها جار داوا له‌ليم كردن پرۆگرام ته‌له‌ڤزیۆنی ئه‌رايان بكه‌م، رازی نه‌ويم، وه‌لی دويای ئه‌وه‌گ له لایه‌ن ماڵپه‌ڕ رێكه‌وت نێته‌و ئاگاداره‌و كريام ك ئی كه‌ناڵه له پرۆگرامێگ خوه‌ی وه ناو (ساتێ موزیك) یه‌كێگ له به‌رهه‌مه‌یلم وه ناو( میرێ په‌یڤا) نیشان داگه.
سه‌باره‌ت وه هه‌ڵوێستیشی چۆپی فه‌تاح وتگه: وه بێ ئه‌وه‌گ من ئاگادار بووم ئی به‌رهه‌مه بڵاوه‌وكردنه‌سه‌و، منیش وه گوره‌ی یاسا مامه‌ڵه كه‌م له وه‌ختێگ ئه‌گه‌ر هه‌ر پارێزه‌رێگ كورد له باكوور كوردستان، ئاماده‌يی خوه‌ی نیشاندا ك له‌سه‌ر ئی باوه‌ته پشتگیری بكا له دادگا، سكاڵا تومار كه‌م و دوياتریش قازانجه‌گه‌ی پێشكه‌ش كه‌مه ئاواره‌یل كورده‌يل رووژئاوای كوردستان.
ا. ج
