نه‌سیر شه‌ممه له‌خانه‌قین: ته‌قالا كه‌م كاریگ هونه‌ری پێشكه‌ش بكه‌مه شار باوگ وباپیره‌یلم
2013-02-13T11:56:49+00:00
داناین كاریگ مۆسیقی له‌وه‌ر زینگه‌وكردن شار خانه‌قین شوون باوگ وباپیره‌یلی، ك گه‌ردیه گشت ناوچه‌و شوونه‌یل تاریخی و گه‌شتیاری شاره‌گه‌و له‌هه‌مان وه‌خت قه‌وڵ دا هونه‌رمه‌نده‌یلی ده‌سمیه‌تیان بیه‌ید له‌وه‌ر خاتر په‌ره‌داین وه هونه‌ر خانه‌قین.
له‌ی باوه‌ته‌و، ماجد شالیار وه‌رپرس ناوه‌ند رووشنهویری خانه‌قین ئه‌را(شه‌فه‌ق نیوز)وت: ژه‌نیار ناودار جه‌هانی و كورد خانه‌قین نه‌سیر شه‌ممه، دویه‌كه سێشه‌ممه سه‌ردان شاره‌گه كردگه‌و سمینار و ئاهه‌نگیگیش وه‌و بوونه‌و ساز كریاگه‌و مه‌ردم خانه‌قین خوه‌شاڵ بوینه وه سه‌ردان شه‌ممه جوور روڵه‌یل ئه‌و شاره ك زێدو ماوای باوگ و باپیره‌یلیه.
شالیار جه‌خت له‌وه‌یش كرد، ك شه‌ممه له‌و ئاهه‌نگه وتاریگ پیشكه‌ش كردگه‌و خوه‌شاڵی خوه‌ی وه‌و سه‌ردانه خسته‌سه‌ڕوی و ئومیده‌واره بویه ك بتویه‌نید كاریگ مۆسیقی ئه‌نجام بیه‌ید له‌بان شاره‌گه‌و ده‌سمیه‌ت هونه‌رمه‌نده‌یلی بیه‌ید.
جی باسه، نه‌سیر شه‌ممه ك له‌ساڵ ١٩٦٣ له‌شار كوت هاته‌سه دونیا، له بنه‌چه‌كه‌و خه‌ڵك خانه‌قینه‌و شانازی ئه‌كا وه ئه‌وه‌ك باوگی خانه‌قینه‌و داڵگی كورد به‌یره‌ییه له پاریزگای واست وله ساڵ ١٩٩٩ تا ئیسه‌یش ماڵ عود عه‌ره‌بی دامه‌زرانگه له مسرو سه‌رۆكایه‌تی چیژوان یه‌كه‌م مسر كرد ئه‌را عود له ده‌زگای ئۆپرا له‌ساڵ ٢٠١٠.
ج . أ
له‌ی باوه‌ته‌و، ماجد شالیار وه‌رپرس ناوه‌ند رووشنهویری خانه‌قین ئه‌را(شه‌فه‌ق نیوز)وت: ژه‌نیار ناودار جه‌هانی و كورد خانه‌قین نه‌سیر شه‌ممه، دویه‌كه سێشه‌ممه سه‌ردان شاره‌گه كردگه‌و سمینار و ئاهه‌نگیگیش وه‌و بوونه‌و ساز كریاگه‌و مه‌ردم خانه‌قین خوه‌شاڵ بوینه وه سه‌ردان شه‌ممه جوور روڵه‌یل ئه‌و شاره ك زێدو ماوای باوگ و باپیره‌یلیه.
شالیار جه‌خت له‌وه‌یش كرد، ك شه‌ممه له‌و ئاهه‌نگه وتاریگ پیشكه‌ش كردگه‌و خوه‌شاڵی خوه‌ی وه‌و سه‌ردانه خسته‌سه‌ڕوی و ئومیده‌واره بویه ك بتویه‌نید كاریگ مۆسیقی ئه‌نجام بیه‌ید له‌بان شاره‌گه‌و ده‌سمیه‌ت هونه‌رمه‌نده‌یلی بیه‌ید.
جی باسه، نه‌سیر شه‌ممه ك له‌ساڵ ١٩٦٣ له‌شار كوت هاته‌سه دونیا، له بنه‌چه‌كه‌و خه‌ڵك خانه‌قینه‌و شانازی ئه‌كا وه ئه‌وه‌ك باوگی خانه‌قینه‌و داڵگی كورد به‌یره‌ییه له پاریزگای واست وله ساڵ ١٩٩٩ تا ئیسه‌یش ماڵ عود عه‌ره‌بی دامه‌زرانگه له مسرو سه‌رۆكایه‌تی چیژوان یه‌كه‌م مسر كرد ئه‌را عود له ده‌زگای ئۆپرا له‌ساڵ ٢٠١٠.
ج . أ
