لەبان ئی چشتە تۆم کرووز نەهاتە ئاهەنگ ئۆسکار

راپۆرتەیل دویای ئاهەنگەگە دەسنشان کردن ک نەهاتن کرووز لەوەر ئەوە بویە ک نیەتوەنێد شوین توومارکردن فیلم Mission Impossible - Dead Reckoning لە بەریتانیا وەجی بیلێد، باوجی رووژنامەی دەیلی مەیل بەریتانی ئاشکرای هوکاریگتر لە نەهاتنی کرد.

 رووژنامەگە دیاری کرد ک کرووز نەهاتە ئاهەنگەگە تا چەوی نەکەفێدە ژن وەرینی خانمە ئەسارەی ئوسترالی نیکۆل کیدمان، ئەوەیش دویای جیاوەبوین تاڵیان وەرجە زیاتر لە ٢٠ ساڵ.

سەرچەوەیگ ئاگادار وتیش: تۆم لەورا نەوی چوینکە ئەو خانمە لەورا بوی،و نەخوازیە بکەفێدە ناو چەنە وباسیگ.

سەرچەوەیلیگ باس کردن ک نەهاتن کرووز وەدەس خوەی نەویە، چوینکە سەری لەناو کار بویە.

تۆم کرووز و نیکۆل کیدمان لە ساڵ ٢٠٠١ جیاوە بوین، و دوو مناڵ ئیوەت کەن، کونور ٢٨ ساڵان، و ئیزابیلا ٣٠ ساڵان.