سێلینا گۆمێز بوودە گەنجترین ملیاردێریەیل ئەمریکا

شەفەق نیوز/ بلومبێرگ سامان خانمە گورانیچڕ و ئەکتەر  سێلینا گۆمێز ەە یەک ملیار و 300 ملیۆن دۆلار مەزەنە کرد، وەیەوە لە رز گەنجترین ملیاردێرەیل ئەمریکا دانریەێد.

 بەش فرەیگ لە سەروەت و سامان گۆمێز گریەدارە وە مارکەی پەج ساڵەی چەودیاریکردن پووس وەناو Rare Beauty، یەیش ببجگە لە هاوبەشیکردنی لە بوار مۆسیقا و نواندن و سۆشیال میدیا.

گۆمێز گورانیچڕ و ئەکتەر ناودیار ئەمریکییە، لە ٢٢ تەمموز ١٩٩٢ لە ویلایەت تەکساس لە ئەمریکا لەداڵگبوی.

 لە تەمەنیگ بویچگ دەس وە کار هونەری کردگە جویر ئەکتەر لە بەرنامە تەلەفزیۆنییەیل مناڵەیل، و لە فرەیک زنجیرە جویر "بارنی و هاوڕیەیلی" بەشداری کردگە، بەڵام گەورەترین ناوبانگەگەی لە ڕۆڵی لە زنجیرە ناودیارەگەی "Wizards of Waverly Place" بویە کە لە کەناڵ دیزنی نمایشکریا، کە ڕۆڵ ئەلێکس روسۆ دی.

گۆمێز وەگەرد تیپەگەی، سێلینا گۆمێز دەسکردە کا مۆسیقا و سەرکەفتن گەورەیگ وەدەس هاورد زە ئەلبوومەیلی جویر "Revival"،  ئەلبووم تاکە کەسی جویر "Rare".

 بەشداری لە بڕیگ فیلم ناودیار کرد، جویر "Spring Breakers" و"The Fundamentals of Caring" و"Hotel Transylvania".

گۆمێز تویش چەن گیچەڵیگ تەندروسی بویە، کە لە ئەنجامیگ دەسنیشانکردن بیماری لوپوس کە کاریگەری لەبان گورچگ دیرێد، گورچگ ئەرای کاڵیاس.

گۆمێز چەن خەڵات و ڕێزلێنان لە بوار مۆسیقا وەپی پیشکەش کریاس، لەوانە خەڵات مۆسیقای ئەمریکی، خەڵات هەڵوژاردەی هەرزەکارەیل و خەڵات گرامی.