دوو شانۆکار کورد لە پۆلۆنیا پڕۆژەیگ هاوبەش ئەنجام دەن
شەفەق نیوز/ ماڵ کولتوری کرۆسنۆ لە شار کرۆسنۆی پۆڵۆنیا دوو پرۆژەی پێرفۆرمانسی ئەنجامدا، کارەیل پرۆژەی هاوبەشی دوو شانۆکار بۊن، شانۆکار کورد نیهاد جامی جۊر دەرهێنەر و شانۆکار پۆڵۆنی یۆوانا سارنێچکا جۊر پێڕفۆرمێر.
كارەیلە لە رووژ چوارشەممە، نمایش کریان یەکەمیان وەناو (پەناهەندە) لەگۆڕەپان سەنتەر شارەگە و لە سێ شۊن جیاواز نمایش کریا، باس لە گرفت پەنابەرەیل کورد کەێد هەنای تیەنە ئەوروپا، ئەو کارەیان لە هەڵگەردان رێباز نانەکەلی بۊ.
پێرفۆرمانسی دۊەم وەناو (کەونارا) بۊ ک لەهۆڵە ئەزموونە شانۆییەیل ماڵ کولتور نمایش کریا، بیجگە یۆوانا سارنێچکا جۊر پرفۆڕمێر لەناوی دیار دا، هەرلیوا هونەرمەن پۆڵۆنی مارچین مارشاوێک جۊر کار میوزیک و ژەنین تەپڵ بەشداری لەهەردوگپێرفۆرمانسەگە کرد، کار سینۆگرافیا لەلایەن هونەرمەن شێوەکاری کورد حەمە هاشم ئەنجام دریاۊد.
کارەگە گلەوخواردن بۊ ئەرا ریتوال کۆن کولتوری کۆمەڵگای خۆرهەڵاتی لەوانەیش گلەوخواردن ئەرا ناو کولتوور کوردی و میسرییە کۆنەیلە، وودوای تەواوبۊن هەردوگ پێرفۆرمانسەگە گفتوگۆ درۊژیگ لەباوەت کارەیل و چۊنیەتی نشاندان کولتوور لە کار پێرفۆرمانسی پۆڵۆنی نمایش بکریەێد.
