ده‌شنێ %١٠٠ كوردییه
ده‌شنێ موراد له لاپه‌ڕه‌ی تایبه‌ت خوه‌ی له فه‌یسبووك ك زیاتر له ٢٤٠ هه‌زار هه‌وادار ديرێ، بڕێگ وێنه وه جنگ كوردیه‌و بڵاوه‌وكرد، ئه‌وه‌گ جێ باسه ده‌شنێ له‌بان وێنه‌گان نويساس %١٠٠ كوردی ك يه چه‌نه‌ها پرسيار له‌لای تماشاكه‌ر دروس ئه‌كا.
ده‌شنێ موراد له باره‌ی ئه‌و وێنه‌يله وه (كوردمیلۆدی) وتگه، خواستم ئی جاره له‌ی ستایله بيه‌مه ده‌يشت ك وێنه ته‌نیا ئه‌ڕا نيشانداين بڵاوه‌و بكه‌م، به‌ڵكو ئيجاره بڵاوه‌وكردن ئی وێنه‌يله مه‌به‌س تایبه‌ت خوه‌ی ها پشتی.
زیاتر ئويشێ، وێنه‌گان وه‌شێوازێگ فره پرۆفیشناڵ گیريانه‌و گشت كاره‌گانی له كوردستان ئه‌نجامدرياس و ئه‌و كه‌سه‌يله‌گ كار له‌بان وێنه‌گه‌يش كردنه گشتيان كوردن.
ده‌شنێ ئاماژه وه قسه‌گانی ئه‌ياد و ئويشێ، فره سپاس BMB Group كه‌م ك ئيسه پشتگیری كاره هونه‌رییه‌گانم ئه‌كه‌ن.
دويا كار هونه‌ری ده‌شنێ گورانی بیناز بوی وه‌ل هونه‌رمه‌ند كاروان كامیل و هه‌مان كۆمپانیا سپۆنسه‌ری كردويد.
كوردمیلۆدی
ا. ج
