جولى ها له شوون مناڵه‌يل سوريا
2012-06-05T08:13:55+00:00
ئه‌ى هه‌مگه ناوچاوه ك ديرێد، ئاڵشت نه‌ويه‌و له چه‌و ئه‌كته‌ره‌يل تر، هس ئنساندووسى نموونه‌يگيش ديرێد.
له ئاخر ديدارێ، جولى ئه‌را ئه‌و مناڵه‌يل ئه‌گيرێ ك له كوشتاره‌گه‌ى چه‌ن رووژ گوزه‌يشته له سوريا كوشيان. ئمجا له وڵاته‌يل جه‌هان ئه‌خوازێ بچنه هاناى مناڵه‌يل سوريا.
جولى وه نيازه له ئاينده سه‌ردان وڵات سوريا بكاو مناڵه‌يل شار"حەمس" له نزيكه‌و بوينيد.
ئانجێلينا له بان ئه‌ى سه‌ردان خوه‌يه فره جه‌خت ئه‌كا، ئمجا دى خوازێ ئه‌مريكا بيلده‌ى يا نه.
خانم ئانجلێنا جولى يه‌كێ له ئه‌و ئه‌كته‌ره‌يله‌سه ك فێشترين چالاكى ئنسانى داشتيه‌و له ساڵ 2002 وه‌ل رێخرياى جه‌هانى كووچ و كووچوه‌ره‌يل په‌يوه‌ندى گرتيه‌و تا ئيرنگه‌يش چيه‌سه چه‌ن وڵات فه‌قيرو وه‌ل هه‌ژاره‌يل ديدار كرديه، ته‌نانه‌ت ئه‌و وڵاته‌يلێشه ك جه‌نگ له‌تێان بويه‌و مه‌ترسيش داشتنه./ش
