باده‌ی گوڵ ره‌نگ عه‌دنان كه‌ریم، خه‌رمانێگه‌ له‌مه‌قام كوردی

ئه‌لبوومێگ تایبه‌ت وه‌مه‌قامه‌و خه‌وێگ دێرینه‌ی هونه‌رمه‌نده‌ ك‌ ئیسه‌ هاتگه‌سه‌دی.
هونه‌رمه‌ند عه‌دنان كه‌ریم له‌تازه‌ترین كار هونه‌ریى، كووتایی هاورده‌ تازه‌ترین ئه‌لبوومى وه‌ناو (باده‌ی گوڵ ره‌نگ)، ك‌ ئه‌لبوومێگ تایبه‌ت وه‌مه‌قامه‌و (7) تراك مه‌قام له‌خوه‌ی گرتگه‌ ك ماوه‌گه‌ی (58) ده‌قه‌س.
ئى ئه‌لبوومه‌ تایبه‌ته‌ وه‌و مه‌قامه‌یل ناوچه‌ی گه‌رمیان ك‌ وه‌رجله‌یه‌ له‌لایه‌ن هونه‌رمه‌ند كووچكردگ و مامۆستا عه‌لی مه‌ردان-ه‌و‌ چڕیانه‌.
هونه‌رمه‌ند عه‌دنان كه‌ریم وتگه‌ ك‌ یه‌ یه‌كه‌م ئه‌لبووم مه‌قامییه‌ و له‌ئاینده‌ كار ئه‌را مه‌قام ناوچه‌یل تر كوردستانیش ئه‌كا، دویای كووتاییهاتن ئه‌لبوومه‌گان تریشی، گشتیان له‌كتاویگ وه‌نۆته‌و‌ گرده‌و ئه‌كریه‌ن ‌و ‌نویسریه‌ن‌، ئه‌را ئه‌وه‌گ جوور میتۆدێگ، خوه‌ندكاره‌یل ئه‌كادیمی زانكۆ و په‌یمانگاگان نه‌ف له‌لێ وه‌ربگرن.
ئه‌لبووم (باده‌ی گوڵ ره‌نگ) كاره‌یلی ته‌واو بویه‌و فه‌رهاد محه‌مه‌د وه‌ئامێر كه‌مان به‌شداریكردگه‌و ئاسۆ دیلان-یش دیزاین به‌رگ ئه‌رای كردگه‌و بڕیاره‌ له‌سه‌ره‌تای مانگ (10) له‌تۆمارگای ئۆسكارو سه‌نته‌ر كیژێ بڵاوه‌و بكریه‌ێد‌.
ئى ئه‌لبوومه‌ له‌بان ئه‌رك هونه‌رمه‌ند به‌رهه‌مهاتگه‌و ده‌س خوه‌شی له‌ گشت ئه‌وانه‌یش كردگه‌ ك‌ وه‌هه‌ر شێوه‌یگ بوود، ئه‌را ئه‌نجامداین كاره‌گه‌ هاوكاریى كردنه‌ له‌وانه‌ دكتۆر ته‌هاو كاك كامه‌ران.
بیجگه‌ له‌و (7) تراكه‌، (3) تراك تریش له‌و مه‌قامه‌یله‌ ئاماده‌ن و بڕیاره‌ دویای گله‌‌وخواردن هونه‌رمه‌ند ئه‌را سوید، كار ئه‌را ئه‌لبووم دویه‌م ئه‌و مه‌قامه‌یله‌ بكا.

كورد فه‌یم

ا. ج