پەیاکردن ئەکتەریگ کۆمیدی ناودیارگ وە مردگی لەناو هوتێلیگ لە فلۆریدا
2022-01-10T07:49:43+00:00
شەفەق نیوز/ دەسەڵاتەیل لە کەرت ئەورانج لە شار ئەورلاندۆ لە ویلایەت فلۆریدای ئەمریکا، ئمڕوو دووشەممە، راگەیان پەیاکردن تەرم ئەکتەر کۆمیدی ئەمریکی بۆب ساگت، لەناو هۆتێلیگ لە ناوچەگە.
دەسەڵاتە ئەمنیەیلە وتنیش: ئاگاداری لە پیاویگ وەرگردن ک دەنگی نیە، و پیاوەگە بۆب ساگت بۊی، و لە مەوقەی رەسین پۆلیس مردی بۊی، و هۊچ نشانەیگ ئەرا وەکارهاوردن هووشبەر لەو ناوە نییە.
ساگت هالە تەمەن ٦٥ ساڵی، و لە گەردینیگ کۆمیدی بۊی لە فلۆریدا، و لە رووژ شەممە کارت مکیسەگەی بڵاو کرد، و دیارە ک ئەو رووژە کاریگ کۆمیدی نمایش کردگە.
ساگت وە ئەکتەری کەسایەتی دانی تیرنەر لە زنجیرەی کۆمیدی وەناوبانگ Full House ناسریاگە.
