ئه‌لبوومێگ گورانی كوردی وه ده‌نگ شه‌هرام نازری بڵاوه‌و ئه‌دێ
ئه‌ی به‌رهه‌مه چه‌ن ساڵ وه‌رجله ئيسه له كۆنسێرت ئۆركسترای فیلارمۆنیك ئه‌رمه‌نستان وه ده‌نگ نازری و وه ئاوازدانه‌ر موزیكزان ناودار ئه‌رمه‌نستان لۆریس چێكناواریان، له هۆڵ میلاد پێشانگای ناوده‌وڵه‌تی تاران توماركرياگه، له مانگ ئایار/ مایۆی ئاينده له لایه‌ن كۆمپانیای موزیك "ئاوای باربه‌د"، له سه‌رتاسه‌ر ئيران بڵاوه‌و ئه‌دێ.
چێكناواریان، له‌ی به‌رنامه‌یه ئه‌را بڕێگ له گورانی و موزیك كوردی و فارسی ك گورانیچڕ ناودار كرماشانی شه‌هرام نازری، وه‌رجله‌يه له كۆنسێرت و ئه‌لبوومه‌گانی پێشكه‌شی كردويد، وه شيوه‌ی ئۆركسترای سه‌مفۆنیك، موزیك ئه‌رای دابه‌شكردگه و وه هاوكاری ئۆركسترای فیلارمۆنیك ئه‌رمه‌نستان پێشكه‌شیان كردگه.
ئه‌ی گورانیچڕكرماشانییه تا ئيسه زیاتر له 40 ئه‌لبووم وه‌ل گرووپه‌يل ناودار موزیك ئيران و كوردستان بڵاوه‌و كردنه‌سه‌و و هه‌ر وه‌ختێگ ك له شاره‌يل جووراوجوور ئيران و وڵاته‌یل جووراوجوور جه‌هان كۆنسێرت پێشكه‌ش ئه‌كا، له گشت كۆنسێرته‌گانیشی گورانی كوردی پێشكه‌ش ئه‌كا.
ا
