چارەسەرکردن بیماری وە میوزک

شەفەق نیوز/ هەر کەسیگ چین تایبەتیگ لە مۆسیقا لەلایەو دڵگیرە، بڕیگیان یادگاریە خوەشگان ئەرای تێرنەو، و بڕیگیش تیر هەستەگانی کەێد، و فرەجار پزشکەیل نەشتەرگەری گووشگردیانە مۆسیقا تا جەخت کارکردن لەبانیان سوکەو بوود لە مەوقەی کاریان لە ژوور نەشتەرگەری>
باوەت چارەسەرکردن وە مۆسیقا دویای جەنگ دویەم جهانی موڵەت فەرمی وەگرد لە ئەو خەسەخانەیلەگ چارەسەر رزگاربویەل جەنگەگە ئەنجام دیان، و بازنەی سودمەنی لە مۆسیقا فراوانەو بوی، تا شیوەیل جوراوجوریگ لە بیماریە لەشیەگان و دەروینیەگان خاسەوبکەێد، جوور بیماریە سەردەمیەگان، و نیگەرانی و دڵتەنگی، لە کاریگەری بایۆلۆژی راستەخۆ، جوور کەمەوکردن رێژەی دڵ کوتان، و فشار خوین.
هەمیش مۆسیقا پەیوەندی کۆمەڵگا خاسەوکەێد، جوور پاڵپشتیگ ئەرا خاسەوکردن تەندروسی مەغز، ئەراوە دیارە گووشگردن روژانە لە مۆسیقا پەسەن خاسیگە ئەرا ئەویگ جهان وەپیا رەد بوود، لە تەنیایی و هەست وە مەترسی و نیگەرانی لەوەر بڵاوبوین ڤایڕۆس کۆڕۆنا.
فرەجار ئەوانەی مۆسیقا وەکارتێرن لە چارەسەرکردن بیماریگ، خوەیان میوزککار وەتوانایگن، زانستن قویلیگ لە باوەتەیل مۆسیقا دیرن، و چوون هەستە جوراجورەگان بجوولنێد، ک دەسمیەتیان ئەرا خاسەوبوین بەێد.
پسپۆڕەیل ئی زانستنە لە مۆسیقا، وەگەرد زانستنیان لە رەفتارەیلیگ جیواز، ک ئەرا هەر شیوەیگ بیماری بگونجیەێد، چ کلاسیکی بوود یا ئۆپڕالی یا ئیلیکتڕۆب، یا هەر چینیگتر، دەسوەردان چارەسەری وەگورەی گشت کەسیگ شیوەیگ دامەزریەێد، ک دەسمیەتی ئەرا ئەنجامداین ئامانجەگانی دەێد.
چارەسەرکەر مۆسیقی هۆلی شارتڕاند ئووشێد: بایەسە بزانی ک تو وەکاری تیەرێد ئەرا دەسمیەت کەسەیلیگ تر، تا بزانی چەنی کاریگەری دیرێد لەبان کەسە بیمارەگە، و هەمیش ئووشێد؛ تەکنۆلۆژیا هیلێد چارەسەرکەرەگە بڕەسێدە گشت چینەیل مۆسیقا وەبی شەکەتی، ک بی وە پشتگیری ئەرا ئەزمون چارەسەرکردن وە مۆسیقا وەئاسانییگ فرەتر لە گوزەیشتە.
مۆسیقا دەسمیەت ئەوانە دەێد ک لە وسانن مەغزی قورتار بوینە، یا تووش مەغز زیاندار هاتنه‌، و ئەوانەگ لاڵ بوینە لەوەر پەککەفتن لا چەپینەی مەغزیان، ک وەرپرسە لە قسەکردن وپەیوەندی.
هەمیش دەسمیەتە لە نەشتەرگەریە گەوراگان، ک دیارکەفت ئەوانەگ گووش دەنە مۆسیقا کەمتر بیزار و نیگەرانن، وکەمتر نیاز وه‌ دەرمان ئارامکەر دیرن، وهیمیش هەستیگ وە کۆنتڕۆڵ کردن زیاتر پێشکەشکەێد.
مۆسیقا لە کاریگەری چارەسەرکردن کانسەر کەمەوکەێد، و ئەو نیگەرانیە ک پەوەندیدارە وە چارەسەری کیمیاوی یا تیشکی .
و کارەیل لەش و دەروین و هویرەوکردن دوارە خاسەوکەێد، وەگورەی بەڕنامه‌یگ تایبەت وەخوەی، و شیوەی ژیان ئەرا ئەوانەیگ خڕووف بوینە خاسەوکەێد، چوونکە توانای وەناوچگن ئەرا كەشوهەوای میوزک تا دویاترین پلەی بیماریەیل هویر مینێدەو، و لەیراو توێەنێد دەسمیەت وە چارەسەری مۆسیقا لە هاوردنەوەی یادگاریەگان بکەێد، و خاسەوکردن توانای پەیوەندیکردن و هەماهەنگی مەغزی و لەشی.
مۆسیقای بیتهۆڤن
ئمساڵ بوودە ٢٥٠ ساڵ لە یاد لەدایگبوین مۆسیقار ئەڵمانی بیتهۆڤن، ک ناسریاگبوی ک لە تەمەن ٢٧ ساڵانی کەڕەو بوی، بەڵکم ئەوە نواینەگرد لە نووسان مۆسیقا تا ٢٧ ساڵ تر، و خوەی هویچ نێژنەفێد، بیجە ئەوە ک هەمیش تووش بیماری دەروینی هاتویگ ناوبەین نۆڕەیل دڵتەنگی و دڵخوەشی.
گشت ئی هەستەیل جوراوجورە لە مۆسیقاگەی پڕشنگ دەێد، ک هێشت وە شیوەی فراونیگ وەکارباێد ئەرا چارەسەرکردن وە مۆسیقا، چوونکە هان دەێدە بڕیگ لە هەستە ئاڵوزەگان بانە دەیشت، و ئی هەستەیلە پەیوەندی وە یادگارەیل دیرن ک هورمۆن ئۆکستۆسین وەشنێد، تا نیگەرانی کەمەو بکەێد، و توانای خەفتن خاسەو بکەێد.