وێنە.. ئەنتیکەی کەرکوک کەفێدە وەر شکست
شەفەق نیوز/ بازاڕ قەیسەریە لە کەرکوک یەکیگە لە ناودیارترین سیمایل شارەگە، ک بیجگە ئەوە ک خوەی شۊنیگە خەڵکەگە بازاڕ لەناوی کەن، خوەییش قیبلەیگە ئەرا گەشتیارەیل، وەگەرد ئەو سومبل شمارەییە ک پەیوەندی وە رووژ و وەرزەیل ساڵەگە دیرێد.
کامیرای ئاژانس شەفەق نیوز گەردیە ناو بازاڕەگە و توومار کەمبۊن سەردانکەرەیلی کرد لەوەر خاسەوکردن ناوی ک دوو ساڵ کیشا، و هیشت بسینەیل رۊ وەرەو بازاڕەیلیگ تر بکەن.
بازاڕ قەیسەریە لە ساڵ ١٨٥٥ دروس کریاگە، و لە ساڵ ٢٠١٩ دەسکریا خاسەوکردنی وەدەس پسپۆڕەیل بینای ئاسەواری و وەسەرپەرشتیاتی دامەزراو "تيكا".
بازاڕەگە وەشیوەی ئەندازیاری رەنگینیگ دروس کریەێد، ک شمارەی دوکانەیلی وەگورەی رووژەیل ساڵەگە کریانە، و ١٢ کۊچە وە گورەی مانگەیل سالەگە هاناوی، و هەمیش چوار دەروازە هەکاتی وەرزەیل ساڵەگە دیرێد.
خاوەن دوکانەیلە داد لەلای ئاژانس شەفەق نیوز کردن لەدەس کەمبۊین هاتن مەردمەگە وەرەو بازاڕەگە لەوەر ئەو ماوەی فرە ک کارەیل خاسەوکردنەگە وەپی چگ، ک هیشت مەردمەگە دۊر بکەفن.
خەلیل جەوهەر ئەمین، یەکیگە لە ناودیارترین زەڕنگەرەیلە لە بازاڕ قەیسەریە وت" زیایبۊن دوکانەیلە لەی ماوەی دۊیاییە، و بەسیان بازاڕەگە ئەر خاسەوکردن و پەتای کۆرۆنا، گشتی بۊینە هووکاریگ ک بازاڕەگە شیوەی ناوەند بازرگانی سەروکی لە بازاڕە گەورەگە لەدەس برد.
وتیش: ئیمەی زەڕنگەرەیلە دوو جار زەرەد وەپیمان رەسی، یەک جار لەوەر ئاگر بازاڕەگە، و ئیجا لەوەر گرانی دۆلار.
