وەخێر هاتین ئەرا پرسەگەم.. پیاویگ مردنیگ درووکانی کەێد تا دووسی کەسوکارەیلی تاقی بکەێد

 وەگورەی رووژنامەی تایمز بەریتانی، دەیڤید بێرتۆن، تەمەن 45 ساڵ، ناسریاگە وە راگنار لی ڤۆکس، لە تووڕە کۆمەڵایەتی نهێنی پلانەگەی ئەرا ژن و مناڵەیلی سازیە، و ئەوانیش دەسمیەتیی دانە، ک سەرەتای هەفتەی گوزەشتە وە پرسەیگ درووکانی کۆتایی هات.

وەگورەی رووژنامەگە، یەکیگ لە دویەتەیلی دەسمیەتی لە بڵاوکردن پەیام پرسەنامەی "مردن" باوگی لە  وەرجە پرسەگە دایە، ک لە نزیک شار لیێج ئەنجام دیرا.  ئەو نویسایە: "وە ئارامیی بخەف باوە، هەرگیز واز لە هویرکردند نیەتیەرم، ئەرا ژیان دادپەروەر نییە، ئەرا تو؟ تو نزیک بوێ بوێدە باپیر، و ژیانیگ وەتەواوی هیمان ها وەردەمد، دووسد دیرم! گشتمان دووسد دیریمن". تو! ئیمە هەرگیز تو لەیاد نیەوەیمن."

و هەنای قەوم و هاوڕیەیلش لە پرسەی دەیڤد گردەو بوین، ک نزیکەی ١٦٢ هەزار کەس لە تیک تۆک مینەی کەن، ئەو لەناو کۆپتەریگ وەگەرد تیمیگ کامێرا هاتە دی.  

لە ڤیدیۆ کلیپیگ وت "سڵاو لە گشتدان، وەخێرهاتین ئەرا پرسەگەم"، وەرجەیەگ کەسوکارەیلی وە گریانەو  باوەش بکەنە پی، لە وەختیگ ئەو خەمخوەرەیل ناڕەزایی خوەیان نشان دان ک گشت ئەو پرسە "هەنەکیە".

 ئی فێڵە لە تیک تۆک یا سایتەیلتر سۆشیال میدیا پیشوازی خاسیگ لەلی نەکریا، ئەراوە بێرتۆن ناچار بوی هەڵوێستی خوەی ئاشکرا بکەێد، ک وت: ئەوەگ لە خیزانەگەم دوینم ئازارم دەێد، ئەوان ئەرا هویچ چشتیگ مکیسم نیەکەن، کەس خەوەرم نیەپرسێد، گشتیان جیاوە بوینە، هەس کردم قەدر نەیرم، هەر ئەراوە خوازیم وانەی ژیانیان وەپیان بیەم، و وەپییان بویشم؛ نەبایەت چەوەڕی بکەین تا کەسیگ مرێد ئیجا پرسیار لەلی بکەین.

تا ئیسە دەیڤد تەواو ڤیدیۆی پرسەگەی بڵاو نەکردگە، و وت:  هەرچەن "تەنیا نیمەی خیزانەگەم بەشداری کردنە، بەڵام ئیسە کەسوکارەیلیگتر  خوەشیان تیەێد پەیوەندی وەپی بکەن. 

وتیش: یە بەڵگەس لەبان ئەوە کی وەڕاسی گرنگی وەمن دەێد ئەوانەگ نەهاتوین پەیوەندی وەپیم کردن، و وەی شیوەیەیش رەسیمە ئەو چشتە ک ئومیدی داشتم و جویریگ  ئەوەی تواستم کردم.