ووردەکاری گەشتە نهێنیەگان سولەیمانی لە بەغداد و دیمەشق وبەرگ خەڵەتاننەگەی.
شەفەق نیوز/ فڕۆکەوانیگ لەکۆمپانیای ماهان ئاسمانی ئیرانی، ئاشکراکرد لە بردن باریگ وە هەفت تەن ئەرا سوریا لە ساڵ ٢٠١٣ ، وەگەرد قاسم سولەیمانی فەرماندەی فەیلەق قودس ئیرانی، ک لە سەرەتای ئی ساڵه کوشیا.
فڕۆکەوان ئەمیر ئەسەدەڵا، ئەرا ماڵپەڕیگ خەوەری سەروە پاسەوان سەوری ئیرانی وت؛ باریگ نا یاسایی لە چەک و تەقەمەنی ناگەسە کووڵ فڕۆکەگە، وەگەرد ٢٠٠ سوار.
لە ساڵ ٢٠١١ وه‌رو دویا، هێڵ ماهان ئیران هاژیر سزایل ئەمریکی ، لەوەر بردن چەک وکەسەیلیگ لە پاسەوان سەوری وەنهێنی ئەرا سوریا.
ئەسەدەڵا ئەرا ماڵپەڕ (رزماندگان) وت؛ سولەیمانی لە قەمارەی رانستنەگە لە شانی نیشتیاد، و لە فڕۆکخانەی بەغداد داوەزیاد لەمەوقەیل گەشتەگانی وەل سولەیمانیەو ئەرا سوریا.
ئەمریکا تومەتبار سولەیمانی کرد وە دەسیی لە کوشتن ئەمریکیەگان، وپەلامار بەرژەوەنیەیل ئەمریکا لە عراق، وناوچەی خوەرهەڵات ناوڕاس.
فڕۆکەوانەگە وت؛ فڕۆکخانەی بەغداد لەژیر کۆنتڕۆڵ هێزەیل ئەمریکا بوی، و سولەیمانی هەمیشە بەرگ ئەندازیار فڕۆکەوانی کردیادەوەر لە وەخت نیشتنی لە قەمارەی رانستن فڕۆکەگە، ئەویش لە مەوقەی وەشکین ئەمریکیەگان ئەرا فڕۆکه‌گە.
ئەسەدەڵا وتیش؛ وەختا هێزە ئەمنیە عراقیەگان یەکجا داوای وەشکین فڕۆکەگە کردن، فڕۆکەوانەگە دۆلار ئەمریکی لە کیفەگەی دەرکرد وخستەی وەرچەو ئەفسەرەگە، وهەمیش وت؛ لەوەخت رەسینی ئەرا دیمەشق لە وەختیگ دویاین لەو روژە، سولەیمانی وەتە پی: ئەگەر من سەرۆک بیاتام وەنە مەدالیەی شەرەف دیامە پید.
