کوشیان گەشتیاریگ لە ژیر پای فیلەیل لە باشوور ئەفریقا
2024-07-09T15:58:14+00:00
شەفەق نیوز/ گەشتیاریگ ئیسپانی، لە ژیر پای فیلەیل گیانی لەدەسدا، هەناێ لە رێنیگ نزیکەو کەفت تا وینە بگرێد، لە پارکیگ نزیک گوهانسبیرگ لە باشوور ئەفریقا.
دەسەڵاتەیل باشوور ئەفریقا، ئمڕوو سێشەممە، وتن: ئەو پیاو ٤٣ ساڵە، شەوەکی لە پارک بیلانسبیرگ نیشتمانی کەفتە وەر پەلامار فیلەیل.
پولیس دیاری کرد کە قوربانیەگە وەرد دەزویرانەگەی وەرد دوو ژن ترەک لەناو ماشین خوەیان بوین لە پارکەگە، و ٣ فیل و ٣ بەچکە نزیکیان بوی.
قسەکەر پولیس وت: پیاوەگە لە ماشینەگە هاتیە خوار و چگەسە نزیک فیلەیل تا وینە بگرێد، و فیلەیل پەلاماری دانە و مردیە.
وتیش: ئەو فیلەیلە هەناێ پیاوەگە هاتە نزیک بەچکەیلیان تویڕە بویت و وەرگری لە بەچکەیل کردن.
