هەولێر ئاهەنگ خەڵاتەیل "رەوانگە" گرێدە خوەی وە چەودیاری راگەیانن وەلایەن ئاژانس شەفەق نیوز
شەفەق نیوز/ هەولێر پایتەخت هەرێم کوردستان، رووژ جمعە، ٢٥ تەشرین دویەم، ئاهەنگ خەڵاتەی ساڵانەی دامەزراو رەوانگە گرێدە خوەی، ئەرا رێزلینان لە بەهرەدارەیل لە دە چین جیاجیا.
ئاژانس شەفەق نیوز ئەوەسا بوودە یەکیگ لە چەودیاریکار راگەیان ئەرا ئەو رویداو ناودیارە.
وەرجەیە لە ٧/٣/٢٠٠٢، راگەیانن ئەرا پڕۆژەگە کریا، و گەنجەیل ١٤٠ رووژ داشتن تا کارەیلیان پیشکەش بکەن، و ٨٦٣ بەرهەم لەلایەن (٥٦٦ کوڕ، و ٢٩٧ دویەت) لە گشت ناوچەیل عراق پیشکەش کریا.
لە ٢٥ تەشرین دویەم ٢٠٢٢ لە هۆڵ سەعید عەبدولڵا لە پارێزگای هەولێر، وە ئامادوبوین بڕیگ لە گەورە کەسیایەتیەیل و میاوانەیل، ئەوەسا رسوومەیل کۆتایی پڕۆژەگە ئەنجام دریەنز وەگەرد نمایشکردن چەن کاریگ هونەری، و ئەوەسا ناو سەرکەفتگەیل لە پلەی یەکەم و دویەم سێیەم ئەرا گشت چینەیل ئاشکرا کریەێد، و خەڵات وەپیان دریەێد.
خەڵاتەیل رەوانگە یەکیگە لە پرۆژەیل دامەزراو رەوانگەس ک ساڵانە لە ئاست عراق ئەنجام دریەێد، ک تەقەلای خاسەوکردن توانایل گەنجەیل و ئاشکراکردن بەهرەیان دەێد، ئەرا بتەوکردن وەخوەی بڕوایی و گردەوکردن داهێنان هونەری و ئەدەبی و زانستی ئەرا ئەو گەنجەیلە ک تەمەنیان ها ناوبەین ١٥ – ٢٥ ساڵان، لە چینەیل (کوڵە چیرۆک عەرەبی، کوڵە چیرۆک کوردی، کوڵە فیلم، هونەر دووارە وەکارهاوردن، داهێنان زانستی، مۆسیقا ژەنین تاکانە، وەڕیەوبەردن کاروبار، وینەگەردن، شیوەکاری، شعر عەرەبی، شعر کوردی، پرۆگرام).
پرۆژەی خەڵاتەیل رەوانگە لە ساڵ ٢٠١٤ وەفەرمی دەسوەپی کرد، و لەو مەوقەو رسوومەیل کۆتایی لە شارەیلیگ جیاجیا وەڕیەو چیاد، جویر هەولێر، سلێمانی، و دهۆک، و لە ساڵ ٢٠٢١ پڕۆژەگە فراوانەو کریا، تا گشت ناوچەیل عراق بگرێدەو، و رسوومەیل کۆتایی لە شانۆی وەتەنی بەغداد وەڕیەو چگ.
لە ماوەی هەشت ساڵ گوزەشتە، ڕێز لە ٧١ کوڕ و دویەت نریا، جویر سەرکەفگەیل پلەی یەکەم لە پڕۆژەگە، و ئمساڵ ئەوەسا ڕێز لە ١٢ گەنجتر نریەێد.
ئەوسا وەیجویرە خەڵات وە سەرکەفتگەیل دریەێد:
پلەی یەکەم: ٢٠٠٠ دۆلار + خەڵات پڕۆژەگە
پلەی دویەم: ١٥٠٠ دولار
پلەی سێیەم: ١٠٠٠ دۆلار
وەلایەن دەسەیگ پسپۆر لە گشت چینەیل هەڵسەنگاندن کارەیل کریەێد، ک دەسەگە ئی کەسیلە هاناوی:
کوڵە چیرۆک عەرەبی (جوتيار تەمر- نویسەر و تویژینەر، عەبدولکەریم گیلانی – شاعر و روومانویس، عەلیا ئەنساری- خانمە نویسەر).
کوڵە چیرۆک کوردی (فازڵ عومەر- نویسەر، بوشرا کەسنەزانی- خانمە نویسەر و مامووستای زانکۆ، گۆران رەسول- شاعر و روومانویس).
وینەگردن فۆتۆگرافی ( جەماڵ پێنجوێنی- سەرۆک بەش راگەیانن تەماشایی لە نویسینگەی سەرۆک وەزیرەیل عراق، سائر سودانی- وینەگە دێرین لە ئاژانس رۆیتەرز نویسینگەی عراق، خەندە سەرچڵ مەجید- خانمە ئەندازیار و وینەگر).
کوڵە فیلم (رەنج موستەفا- دەرهێنەر، شرووق ئەلحەسەن- خانمە ئەکتەر و دەرهێنەر، کامەران بێتاسی- دەرهێنەر).
شیوەکاری (د. رێبوار سەعید – پرۆفیسۆر یاردەر، هیوا عەبدولعەزیز- مامووستای زانكۆ، روەیدە حسێن، خانمە مامووستا).
داهێنان زانستی (د. هێمن لەتیف- دکتۆر زانکۆ، محمد عەزاوی- ئەندازیار، د. پاییز خۆرشید- مامووستای زانکۆی وەرین).
وەڕیەبردن کاروبار ( یوسف ئالوسی- وەڕیەوبەر ریخریاگ نور عەلا نوور، گوڵیان هەرشەمی- خانمە راوێژکار، د. سەبا ئەغالە- خانمە وەڕیەوبەر جیوەجیکەر و دامەزرێنەر کۆمپانیای سەبا هۆڵدینک).
هونەر دووارە وەکارهاوردن (د. ژینۆ خالد محمد- خانمە مامووستای زانكۆ، مەروە رائد نعێمی- خانمە دامەزرێنەر پڕۆژەی تەڵای سەوز، فراس جەلو- هونەرمەن شیوەکار).
مۆسیقا ژەنین تاکانە (مەهدی نووری – مۆسیقار، هەڵبەست سەڵاح- مامووستا، شیرین حەقی حسێن- خانمە داهێنان کار دەنگ و گورانیچڕ ئۆپرا).
شعر عەرەبی (عەلی وەجیە عەباس – شاعر و راگەیانکار، حسینە بونیان- خانمە ئەندازیار و شاعر- جەلال زەنگابادی- ئەدیب).
شعر کوردی (عەبدولخالق یەعقوبی- نویسەر، شوکری ئیسماعیل- نویسەر و مامووستای زانکۆ، شەعبان سولەیمان- شاعر و نویسەر).
داناین پرۆگرامی (د. نەوزاد ساڵەیی – سەرۆک بەش پەیوەندی و بیناکردن توانای بەش تەکنەلۆژیای زانیاری، حکومەت هەرێم کوردستان، رێبوار رەیس- پرۆفیسۆر یاردەر، د. تورفە یاسین حەمەد- دکتۆر زانکۆ).
کاندیدەیل خەڵاتەیل رەوانگە ٢٠٢٢:
