ژنیگ بەریتانی وە گەزین پولیسیگ توومەتبار کریایە هەرچەن خوەی دگانیش لەناو دەمی نییە
2023-08-23T11:57:13+00:00
شەفەق نیوز/ ژنیگ بەریتانی لە زیندان وەخشیا، دویای ئەوە کە دەسدرویژی لەبان پولیسیگ کرد، و باڵ پولیسەگە گەزێد، هەناێ ئەرا دادگا دەرکەفت کە ئی ژنە هەر دگان نەیرێد، ئەراوە پەلامارەگەی هویچیگ و باڵ پولیسەگە نەکردیە.
هانا هاردی لە تەمەن ٣٣ ساڵە، قەپیگ لە باڵ پولیسەگە گرد، کە هەمیشە ئیجویر کردەوەیگ وە پەلامار تون دریەێدە قەڵەم، وەلێ ئەو پولیسە وەناو (بۆبی) هویچ زیانیگ وەپی نەڕەسیە.
وەرجەیە ئەو ژنە وە توومەت دەسدرویژیکردن لەبان خانمیگ سزای شەش مانگ زیندانی دریایە.
ئی گلە، پولیس هاتیە ناوجی مرافەیگ یەکێک لەناوەین هاوسایلیگ لە ورکینگتون، کمبریا، کە هاردی و شویەگەی لەناو ئەو مرافە بوینە، پولیس هاتیە یەکیگ لەناو مرافەگە دەسگیر بکەێد، یەیش باڵ پولیسەگە (وەبی دگان) گەزیە.
