یەکەمین کڵاو دەسکرد ئەرا خوەنستن مێشک
2023-12-16T10:20:16+00:00
شەفەق نیوز/ زانایەیل یەکەمین کڵاو دەسکرد لە جەهان دروسکردنە کە مێشک خوەنێدەو، یەيش لەڕی ئاڵشتکردن شەپۆلەیل مێشک ئەرا دەق نویسیای.
وەپای خەوەریگ لە ماڵپەر "رووسیا تودەی" ، کڵاوەگە وە هەستەبەریگ پووشیاگە کە چەودێری چالاکی کارەبایەگان کەێد لە مێشک لە مەوقەی هویرەوکردن ئاڵتی کەێد ئەرا وشە.
تیمیگ لە زانکۆی تەکنەلۆژیای سیدنی راگەیاندنە، ئێ داهێنانە توەنێد شوورشیگ لە چەودیاریکردن ئەو بیمارەیلە بکەێد کە وە مدوو جەڵتەی مێشک یا ئیفلیجی توانای قسەکردنیان لەدەسدانە.
لە ڤیدیۆیگ نموونەیی ئەرا داهێنانەگە دەرکەفێد هەر کەسیگ هویر لە رستەیگ کەێد لەبان شاشەگە نیشان درێد دویای وە مدوو کڵاوەگە ئاڵشتبوود ئەرا رستەی نویسیاگ کە زیرەکی دەسکردەگە کۆد ئەرای کردیە.
